ប្រសិន​ ​iPhone ឬ iPad មាន​​បញ្ហា រលត់​បើក​មិន​ចេញ​​ ប្រើ​វិធី​ ៤យ៉ាង​​នេះ​ដើម្បី​​ដោះស្រាយ​បាន!​



បញ្ហា​នៅ​លើ​ស្មាតហ្វូន ​និង​ថេប្លេត​ទំនើប​អាច​កើត​ច្រើន​រូបភាព​ខុសៗ​គ្នា ដែល​បញ្ហា​ខ្លះ លោក​អ្នក​អាច​ទើប​ជួប​លើក​ដំបូង ហើយ​ពុំ​ដឹង​ពី​វិធីសាស្ត្រ​ដោះស្រាយ ក៏​យក​ចូល​ជាង​ជួសជុល។ ជាក់ស្ដែង iPhone ឬ iPad ​របស់​អ្នក ​ចុច​លើ​ប៊ូតុង Power ​ច្រើន​ដង​ហើយ នៅ​តែ​មិន​ព្រម​ចេញ ឬ​មិន​ឆេះ ទោះបី​អ្នក​ប្រាកដ​ថា ពុំ​មាន​បញ្ហា​លើ​ថ្ម ដោយ​ចំណាយ​ពេល​ដោត​សាក​ថ្ម​ចោល​ហើយ​ក៏​ដោយ។ ជា​ការ​ពិត​ណាស់ ពេល​ខ្លះ​វា​បណ្ដាល​មក​ពី​កំហុស​ឆ្គង​ផ្នែក hardware ឬ​ក៏​អាច​មក​ពី​បញ្ហា​សូហ្វ៊ែរ ហើយ​អ្នក​ក៏​អាច​ជួសជុល​បាន​ដោយ​ខ្លួន​ឯង​ដែរ។

650x300xiphone-wont-turn-on.jpg.pagespeed.gp+jp+jw+pj+js+rj+rp+rw+ri+cp+md.ic.RPm6gOpZhT

ទំព័រ​នេះ យើង​សូម​លើក​យក​គន្លឹះ​ដោះស្រាយ​បញ្ហា iPhone ឬ iPad ​បើក​មិន​ចេញ ទាំង ៦ចំណុច​ដូច​ខាង​ក្រោម៖ ១) ដោត​សាក​ថ្ម (Plug in) ​ត្រូវ​ហើយ យើង​ដឹង​ថា អ្នក​ច្បាស់​ថា ពុំ​ដោយសារ​ថ្ម​ក៏​ពិត​មែន ហើយ​អ្នក​ក៏​បាន​ដោត​សាក​ថ្ម​ទុក​ចោល​ហើយ​ក៏​ដោយ ប៉ុន្តែ​សាក​ព្យាយាម​ឆែក​មើល​ឡើង​វិញ ឱ្យ​កាន់តែ​ច្បាស់​គ្រប់​ចំណុច​បន្តបន្ទាប់​ខាងក្រោម គឺ​ជា​រឿង​លំអិត​គួរ​ធ្វើ។ ព្រោះ​ជួន​កាល​ ឆ្នាំង​សាក​របស់​អ្នក​អាច​មាន​បញ្ហា​គាប់​ជួន​ពេល​គ្នា ឬ​ថ្ម​ខូច​ដែល​នាំ​ឱ្យ​ឆាប់​អស់​យ៉ាង​លឿន។ អ្នក​អាច​សាកល្បង​ប្ដូរ ឬ​ខ្ចី​ឆ្នាំង​សាក និង​ខ្សែ USB របស់​គេ យក​មក​ធ្វើតេស្ត​ក៏​បាន។ ២) កំណត់​ធ្វើ Hard reset ប្រសិន​បើ iPhone ឬ iPad ​របស់​អ្នក​នៅ​តែ​បើក​មិន​ចេញ​ទៀត រឿង​ដែល​ត្រូវ​ធ្វើ​ដំបូង​គឺ​ប្រើ​វិធីសាស្ត្រ ​ហាដ​រីសេត (hard reset)។ ព្រោះ​ការ​បើក​មិន​ចេញ ក៏​អាច​បណ្ដាល​មក​ពី​ជាប់​គាំង​ប្រភេទ​ងងឹត​អេក្រង់ (black screen) ដែរ ដែល​វា​មិន​ដំណើរការ boost។ ដូច្នេះ​ការ​សាកល្បង reset ប្រហែល​ជា​អាច​ជួយ​បាន។ វា​មិន​ខុស​អី​នឹង​ការ reboot Windows ​ឡើយ ដែល​វា​អាច​ដំណើរការ​ជា​ធម្មតា​វិញ​បាន។ ដើម្បី​អនុវត្ត៖ -​ចុច​ឱ្យ​ជាប់​លើ​ប៊ូតុង​ទាំង​ពីរ​ដំណាល​គ្នា​គឺ​ប៊ូតុង Sleep/Wake និង​ប៊ូតុង Home -​រង់ចាំ​មួយ​ខណៈ​ពេល​រហូត​ដល់​ឃើញ​រូប​ឡូហ្គោ Apple -​វា​ជា​ដំណាក់កាល​មើល​ថា តើ​ជោគជ័យ​ឬ​ទេ។ ប្រសិន​អ្នក​ឃើញ Apple Logo ​គឺ​ជា​សញ្ញាណ​ជោគជ័៧​ហើយ តែ​ប្រសិន​មិន​ឃើញ​ទេ ​អ្នក​អាច​អនុវត្ត​ជំហាន​បន្ទាប់។ ៣) ធ្វើការ Restore iPhone ឬ iPad ​មាន​មុខងារ restore ដែល​អ្នក​អាច​សាកល្បង​បាន។ -​ភ្ជាប់ iPhone, iPod touch ឬ iPad ​ទៅ​កុំព្យូទ័រ​ Mac ឬ Windows ​ដែល​មាន​កម្មវិធី ​iTunes ក្នុង​នោះ តាម​ខ្សែ Lighting ឬ​ប្រភេទ​ខ្សែ 30-pin Doct onnector។ -​ចុច​លើ​តាប Device ​នៅ​ផ្នែក​ខាង​លើ -​ចុច​លើ Backup -​រង់ចាំ​រហូត​ដល់​ការ backup បញ្ចប់ -​ចុច​លើ Restore -រង់ចាំ​រហូត​ដល់​ការ restore បញ្ចប់ ប្រសិន​វិធីសាស្ត្រ​ទី៣ នេះ​មិន​ជោគជ័យ​ទៀត សូម​បន្ត​អនុវត្ត​វិធីសាស្ត្រ​បន្ទាប់​ខាង​ក្រោម។ ៤) ទាក់ទង​ទៅ​ក្រុមហ៊ុន Apple ​ផ្ទាល់ ការ​និយាយ​ផ្ទាល់​សម្ដី​ជាមួយ​បុគ្គលិក Apple ​ក៏​ជា​ដំណោះស្រាយ​ល្អ​មួយ។ ​ប្រសិន​អ្នក​មាន​សេវាកម្ម AppleCare+ ​អ្នក​អាច​កាន់​ទូរស័ព្ទ​ទៅ​ជួប​បុគ្គលិក Apple នៅ​តាម​បណ្ដា​ហាង Apple Store ឬ​ខល​តាម​លេខ 1-800-MY-APPLE ​ដើម្បី​ផ្ញើ​អ៊ីមែល​ឱ្យ​ជួសជុល iPhone។ ប្រសិន​អ្នក​មិន​មាន AppleCare អ្នក​អាច​ត្រូវ​ចំណាយ​ប្រាក់​បាន ប៉ុន្តែ​ប្រយ័ត្ន​ត្រូវ​ចំណាយ​លើស​តម្លៃ​ទូរស័ព្ទ​ទៅ​ទៀត៕ ជួយ​ប្រាប់​យើង​ខ្ញុំ​ផង ប្រសិន​វិធីសាស្ត្រ​ណាមួយ​ខាង​លើ អ្នក​អនុវត្ត​ទៅ​បាន​ជោគជ័យ​! អរគុណ​សម្រាប់​ការ​គាំទ្រ!!