ជួប​ជាមួយទូរស័ព្ទ Android តូច​បំផុត​លើ​លោក កម្រ​ឃើញ​ម៉ូដែល Posh Micro X S240 តើ​មាន​អ្វី​ពិសេស​ខ្លះ?​



ខណៈស្មាតហ្វូនទំនើបត្រូវបានផលិត មានរូបរាងរឹតតែធំឡើងៗ ពីមួយជំនាន់ទៅមួយជំនាន់នោះ ពេលនេះ បែរជាលេចចេញស្មាតហ្វូន Android ដែលមានទំហំតូចបំផុតលើលោកទៅវិញ។ វីដេអូខាងក្រោមនេះ ត្រូវបានធ្វើបទបង្ហាញអំពីលក្ខណសម្បត្តិទូរស័ព្ទ Android តូចបំផុតលើលោក ក្រោមម៉ូដែល Posh Micro X S240 ធ្វើឡើងដោយបុរសម្នាក់ពីគេហទំព័រ Ubox Therapy៖ https://youtu.be/07tkIbbLH_Y នៅក្នុងវីដេអូខាងលើ គេបានយកស្មាតហ្វូនតូចបំផុតលើលោក Micro X S240 នេះទៅប្រៀបធៀបនឹងផេប្លេត Note 5 របស់ Samsung គេថា វាពិតជាមានរូបរាងតូចណាស់។ ចំពោះទូរស័ព្ទធម្មតាប្រភេទ feature phone ប្រសិនមានទំហំតូច អាចជារឿងធម្មតាប៉ុណ្ណោះ ប៉ុន្តែ Posh Micro X S240 ជាទូរស័ព្ទស្មាតហ្វូនដើរដោយ Android ដែលគេកម្របានឃើញ មានរូបរាងដ៏តូចបែបនេះណាស់។

screenshot-240

 screenshot-239

Posh Micro X S240 ជាស្មាតហ្វូនដំណើរការដោយប្រព័ន្ធប្រតិបត្តិការ Android 4.4 ដែលមានរូបរាងតូចបំផុតលើលោក។ វាមានអេក្រង់ទំហំ ២,៤អ៊ីញ, មេម៉ូរីម៉ាស៊ីនទំហំ 4GB, មាន RAM 512MB, បំពាក់ដោយអង្គប្រតិបត្តិ dual-core និងមានកាមេរ៉ាក្រោយទំហំ 2MP៕