Apple បានបង្ហាញផលិតផលថ្មីទំនើបៗ ផ្ដល់ភាពភ្ញាក់ផ្អើលដល់សាធារណជននៅក្នុងឆ្នាំ២០១៥ នេះ ក្នុងនោះមានដូចជាំ MacBooks ថ្មីអេក្រង់ ១២អ៊ីញមិនធ្លាប់មានពីមុន, នាឡិកាឆ្លាតវៃ Apple Watch ដំបូង, iPhone 6S រឹងមាំជាងមុន និងទូរទស្សន៍ Apple TV ថ្មីជាដើម។ ប៉ុន្តែពេលវេលាមួយឆ្នាំនេះ ជិតកន្លងផុតទៅ ផ្លាស់ចូលឆ្នាំថ្មី២០១៦ ហើយ ដែលគេក៏រំពឹងទៀតថា Apple នឹងមានអ្វីថ្មីសម្រាប់បង្អួតសាធារណជននៅឆ្នាំក្រោយទៀតមិនខាន។ ជាក់ស្ដែងទូរស័ព្ទ iPhone 7តែម្ដង។ ខាងក្រោមនេះ គឺជាផលិតផលរំពឹងទុកដែល Apple អាចប្រកាសចេញនៅឆ្នាំ២០១៦៖
iPhone 7
នេះគឺជារូបគំរូ មិនមែនជារូបលេចឡើងលើបណ្ដាញព័ត៌មាននោះឡើយ។ គេរំពឹងថា Apple នឹងប្រកាសចេញ iPhone ជំនាន់បន្ទាប់ដែលមានឈ្មោះ iPhone 7 នៅឆ្នាំក្រោយ។ គេរំពឹងទៀតថា ក្រុមហ៊ុននឹងមាន iPhone ចែកជាពីរម៉ូដែលដូចនៅលើ iPhone 6/6 Plus និង iPhone 6S/6S Plus ដែរ ដែលភ្ជាប់អេក្រង់ទំហំផ្សេងគ្នាគឺមួយមានទំហំ ៤,៧អ៊ីញ និងមួយទៀតទំហំ ៥,៥អ៊ីញ។ រីឯរបាយការណ៍ថ្មីចុងក្រោយ អះអាងថា Apple អាចនឹងរចនារន្ធ និងក្បាលកាសទូរស័ព្ទថ្មីដោយប្រើរន្ធ និងក្បាលកាសប្រភេទ Lightnint ជំនួសឱ្យប្រភេទកាសទំហំ ៣,៥មិល្លីម៉ែត្រវិញ។ មានន័យថា ទាំងរន្ធសាកថ្ម និងរន្ធកាស គឺស្ថិតនៅកន្លែងតែមួយ។
iPhone អេក្រង់ ៤អ៊ីញ ឬ iPhone 6C
ខាងក្រោមនេះគឺជារូប iPod touch ដាក់ស៊ីមបាន ដែលគេរំពឹងថា អាចត្រូវ Apple ឌីហ្សាញ iPhone អេក្រង់ ៤អ៊ីញជំនាន់ក្រោយមានរូបរាងប្រហាក់ប្រហែល។
ធ្លាប់មានចចាមអារ៉ាមគួរពិចារណាដែរកាលពីឆ្នាំមុន ពីប្រភពគួរឱ្យទុកចិត្តខ្លះថា Apple កំពុងផលិតជំនាន់ iPhone អេក្រង់ ៤អ៊ីញចេញថ្មី ដែលមានពណ៌ចម្រុះ ហើយមានសំបកជាលោហធាតុ អាចត្រូវក្រុមហ៊ុនដាក់ឈ្មោះឱ្យថា iPhone 6C។ យ៉ាងណាមួយឆ្នាំពេញ ២០១៥ នេះ គេពុំទាន់ឃើញស្រមោល iPhone 6C នៅឡើយ។ យ៉ាងណាគេនៅតែបន្តរំពឹងថា Apple អាចបញ្ចេញ iPhone អេក្រង់ ៤អ៊ីញថ្មីនៅឆ្នាំ២០១៦ មិនខាន ដើម្បីបំពេញតម្រូវការអតិថិជនឥតខ្វះចន្លោះ។
ប្រព័ន្ធប្រតិបត្តិការ iOS 10
ក្រុមហ៊ុន Apple បានបញ្ចេញប្រព័ន្ធប្រតិបត្តិការជំនាន់ថ្មីជារៀងរាល់ឆ្នាំ ដូច្នេះមិនមានអ្វីចម្លែកឡើយ ដែលក្រុមហ៊ុនបន្តធ្វើបច្ចុប្បន្នភាពលើ iOS 9 ឡើង iOS 10 នៅឆ្នាំ២០១៦ នោះ។ iOS 9 ចេញមកជាមួយមុខងារពិសេសថ្មីៗមួយចំនួន ផ្ដល់លក្ខណៈ ងាយស្រួលប្រើដល់អតិថិជន ពិសេសគឺស៊ីថ្មតិចជាងមុន និងបន្ថែមមុខងារលើ Siri ប៉ុន្តែគេពិបាកនឹងសន្និដ្ឋានចំណុចពិសេសថ្មីនៅលើ iOS 10។ ឆ្នាំនេះលោក Tim Cook នាយកប្រតិបត្តិ Apple បានប្រាប់គេហទំព័រ BuzzFeed ថា ក្រុមហ៊ុនកំពុងចាប់អារម្មណ៍ ចង់ផ្ដល់បទពិសោធន៍ថ្មីដល់អតិថិជន ដោយឱ្យគេអាចលាក់ប្រភេទកម្មវិធីដំឡើងស្រាប់ៗ (hide preinstalled apps) ដែលគេមិនចង់ប្រើ។
នាឡិកា Apple Watch 2
ក្រុមហ៊ុន Apple បានប្រកាសចេញនាឡិកា Apple Watch កាលពីឆ្នាំមុន ក្នុងខែកញ្ញា ប៉ុន្តែមិនបានប្រកាសនាឡិកាជំនាន់ទី២ នៅខែកញ្ញា ឆ្នាំ២០១៥ នេះទេ។ ដូច្នេះគេរំពឹងថា Apple Watch 2 នឹងចេញនៅឆ្នាំ២០១៦ មិនខាន។ អ្នកយកព័ត៌មានរបស់គេហទំព័រ 9toMac ឈ្មោះ Mark Gurman បានបង្ហាញក្ដីរំពឹងថា Apple Watch 2 អាចនឹងបំពាក់កាមេរ៉ាមុខ FaceTime សម្រាប់ថតខលវីដេអូ និងមុខងារផ្សេងៗទៀតនៅលើទូរស័ព្ទ iPhone។ គាត់ថែមទាំងរាយការណ៍ថា យើងអាចមិនទាន់ឃើញមានអ្វីផ្លាស់ប្ដូរជាដុំកំភួននៅលើត្រង់ថ្ម Apple Watch 2 នោះទេ។
MacBook Air នឹងឌីហ្សាញរូបរាងថ្មី
មានចចាមអារ៉ាមមួយចេញពីវែបសាយតៃវ៉ាន់ Economic Daily News បានឱ្យដឹងថា Apple នឹងសម្រិតសម្រាំងផលិតផលកុំព្យូទ័រ MacBook Air ជំនាន់ក្រោយឱ្យមានរចនាបថថ្មីខុសប្លែកពី MacBook ដែលបានចេញតាំងពីឆ្នាំ២០០៨ កន្លងមក។ ចចាមអារ៉ាមលើកឡើងទៀតថា MacBook Air ថ្មី អាចមានកម្រាស់រឹតតែស្ដើងជាងមុន។ របាយការណ៍ដដែលអះអាងថា Apple អាចនឹងលែងផលិតអេក្រង់ ១១អ៊ីញ ទៅផលិតអេក្រង់ ១៥អ៊ីញវិញ។
បើដូច្នោះមែន កុំព្យូទ័រ MacBook Air អាចនឹងមានលក្ខណៈស្រដៀង MacBook Pro ដែរ ខុសតែ MacBook អេក្រង់ ១២អ៊ីញដែលទើបត្រូវ Apple ប្រកាសចេញក្នុងឆ្នាំនេះទេ។ គេរំពឹងថា Apple នឹងប្រកាស MacBook Air ជំនាន់ថ្មីនៅអំឡុងព្រឹត្តិការណ៍ WWDC ដែលនឹងប្រារព្ធធ្វើនៅអំឡុងខែមិថុនា ឆ្នាំ២០១៦។
សេវាកម្ម Live TV Streaming
គេហទំព័រ Recode រាយការណ៍ថា ឆ្នាំនេះ Apple កំពុងធ្វើការអភិវឌ្ឍសេវាកម្ម Live TV Streaming។ មានន័យថា ក្រុមហ៊ុនអាចនឹងប្រកាស ចេញសេវាកម្មរួមទាំងទូរទស្សន៍ Apple TV នៅពេលខាងមុខ។ ប៉ុន្តែគេមិនទាន់ឮព័ត៌មានពាក់ព័ន្ធនឹងការប្រកាសផលិតផលទូរទស្សន៍របស់ Apple នៅឡើយ។
ផ្អែកតាមបណ្ដាញព័ត៌មាន Bloomberg វិញឱ្យដឹងថា សេវាកម្ម Live TV Streaming អាចត្រូវពន្យារពេល ដោយសារកិច្ចចរចាជាមួយដៃគូដែលជាក្រុមហ៊ុនទូរទស្សន៍ខ្សែកាប មានសភាពយឺតយ៉ាវ ដូចជា CBS និង Fox ជាដើម។ គេរំពឹងថា Apple និងបណ្ដាក្រុមហ៊ុនទូរទស្សន៍ខ្សែកាបទាំងនោះ នឹងស្រុះស្រួលសហការគ្នា និងប្រកាសចេញសេវាកម្ម Live TV Streaming របស់ Apple នៅឆ្នាំ ២០១៦ ខាងមុខ។
iPad Air 3
With dwindling interest in tablets, Apple has little reason to update the iPad Air 2, which was released way back in October 2014. It's already plenty powerful, and a spec upgrade wouldn't generate much interest.
ត្រកូលថេប្លេត iPad Air ទទួលបានការគាំទ្រច្រើនពីសាធារណជន ចាប់តាំងពីបានប្រកាសចេញនៅខែតុលា ឆ្នាំ២០១៤។ ដូច្នេះវាជាមូលហេតុ ធ្វើឲ្យ Apple បន្តអភិវឌ្ឍដល់ iPad Air 2 បច្ចុប្បន្ន។ ចំណែក iPad Air 3 ក៏មិនខុសគ្នាដែរ នឹងត្រូវ Apple សម្ពោធចេញផ្លូវការនៅឆ្នាំ២០១៦ ខាងមុខ។ ក្នុងឆ្នាំ២០១៥ នេះ Apple ថែមទាំងបានប្រកាសចេញ iPad Pro អេក្រង់ធំជាងមុន, iPhone 6S ភ្ជាប់មុខងារ 3D Touch និងមានប៊ិចសម្រាប់ប្រើជាមួយថេប្លេតថែមទៀត។
iPad Pro ជំនាន់ថ្មី ឬ iPad Pro 2
It's possible that Apple might release a new iPad Pro, but it's also easy to see why it wouldn't.
វាអាចទៅរួចដែល Apple នឹងផលិត iPad Pro ជំនាន់ថ្មីទៀត ដើម្បីប្រកាសនៅឆ្នាំ២០១៦ ព្រោះវាជាថេប្លេតអេក្រង់ធំ ទទួលបានការចាប់អារម្មណ៍ច្រើនពីសាធារណជនផងដែរ ហើយក៏ជាថេប្លេតមានលក្ខណៈ សម្បត្តិខ្ពស់ប្រចាំឆ្នាំ២០១៥ នេះ។
កុំព្យូទ័រ new MacBook ស៊េរីថ្មី ឬ new MacBook 2 អេក្រង់ ១២អ៊ីញ
new MacBook គឺជាកុំព្យូទ័រស៊េរីថ្មីអេក្រង់ ១២អ៊ីញដំបូងរបស់ Apple ដែលមានរាងស្ដើង ស្លីមស្អាតជាង MacBook Air ទៅទៀត។ ដូច្នេះនៅឆ្នាំ២០១៦ គេក៏រំពឹងដែរថា Apple អាចនឹងធ្វើការអាប់ដេតកុំព្យូទ័រយួរដៃអេក្រង់ ១២អ៊ីញនេះបន្តទៀត៕
