កម្មវិធី (App) ចំនួន១០ ដែលបុគ្គលជោគជ័យគេប្រើក្នុងទូរស័ព្ទដើម្បីបង្កើនផលិតភាពការងារ
មិនថាអ្នកកំពុងជាប់គាំងលើការធ្វើដំណើរ ហើយចងផ្ញើសារទៅសមាជិកក្រុមរបស់អ្នក ឬព្យាយាមរកនឹកអ្វីដែលអ្នកបានភ្លេច ទូរស័ព្ទរបស់អ្នកនឹងដើរតួយ៉ាងសំខាន់ជាឧបករណ៍នាំភាពជោគជ័យដ៏អស្ចារ្យដល់អ្នក។ ស្មាតហ្វូន បានផ្ដល់ភាពងាយស្រួល ការជឿជាក់ និងអាចបំពេញកិច្ចការច្រើនដោយចំណាយពេលតិច។ ខាងក្រោមនេះគឺជាកម្មវិធី (app) ទាំង១០ ដែលភាគច្រើនឃើញនៅមាននៅក្នុងទូរស័ព្ទរបស់បុគ្គលជោគជ័យ៖
Flipboard៖ Flipboard ជួយអ្នកឱ្យតាមដានជាប់នឹងព័ត៌មានថ្មីចុងក្រោយបានមុនគេ។ ជាមួយ Fliboard អ្នកមាតិកាព័ត៌មានទាំងអស់ជុំវិញព្រឹត្តិការណ៍លើពិភពលោក នៅលើទូរស័ព្ទរបស់អ្នក។ កម្មវិធីនេះក៏ផ្ដល់ឱ្យបុគ្គលជោគជ័យ នូវឱកាសតាមដានជាប់នឹងព័ត៌មានឧស្សាហកម្មដែលក្នុងកំពុងចាប់អារម្មណ៍បានថែមទៀត។
DropBox៖ DropBox មានលក្ខណៈស្រដៀងនឹង Google Drive គឺជួយអ្នកក្នុងការភ្ជាប់ប្រើ ទាំងការរក្សាទុក និងទាញយកនូវឯកសារលក្ខណៈអនឡាញ ហើយក៏អាចផ្ញើឯកសារទាំងនោះចេញ និងចែករំលែក (share) តំណភ្ជាប់បាន។ បណ្ដាសហគ្រិន ក៏ដូចជាបុគ្គលដឹកនាំជំនួញជាច្រើន បានទាញយកប្រយោជន៍ពីសេវាកម្មផ្ទុកឯកសារ Cloud Storage នេះ និងសរសើរថា ពិតជាកម្មវិធី (app) ល្អមួយ ជួយពួកគេ ក្នុងការបំពេញការងារបានប្រសើរ វាមានលក្ខណៈយ៉ាងសាមញ្ញក្នុងការប្រើ។
Dragon Dictation៖ កម្មវិធីនេះជួយបង្កើនផលិតភាពការងារដល់បុគ្គលជោគជ័យជាច្រើន ព្រោះវាជាប្រភេទកម្មវិធីសរសេរតាមអាន (dictation app) ប្រើជាជំនួយក្នុងការងាររបស់អ្នកបាន។ ខណៈពេលកំពុងធ្វើដំណើរ អ្នកអាចនិយាយដាក់ទូរស័ព្ទរបស់អ្នក នោះវានឹងសរសេរតាមអ្វីដែលអ្នកបានអាន។ អ្នកក៏អាចប្រើវា សម្រាប់ផ្ញើសារ សរសេរអ៊ីមែល ឬក៏បង្ហោះ Status នៅលើបណ្ដាញសង្គម Twitter ឬ Facebook ក៏បាន។ ដើម្បីដំណើរការមុខងាររបស់ Dragon Dictaion ទូរស័ព្ទត្រូមានអ៊ីនធឺណិត។
Mint៖ ជាមួយ Mint គឺផ្ដល់អត្ថប្រយោជន៍សម្រាប់បុគ្គលជោគជ័យក្នុងការគ្រប់គ្រងព័ត៌មានផ្នែកហិរញ្ញវត្ថុរបស់ពួកគេយ៉ាងស្ទាត់ជំនាញ។ ជាមួយ Mint អ្នកអាចតាមដាននូវការចាយវាយប្រចាំថ្ងៃរបស់អ្នកបានយ៉ាងងាយស្រួល សូម្បីតែកំពុងធ្វើដំណើរក៏អាចគ្រប់គ្រងបាន ដោយមិនចាំបាច់ត្រូវការក្រដាស ប៊ិចសម្រាប់កត់ត្រាទៀតឡើយ។ អាចនិយាយបានថា Mint អាចជួយពង្រឹងគណនីធនាគារអនឡាញរបស់អ្នក ដោយទប់ស្កាត់ការចំណាយដោយគ្មានដឹងមូលហេតុ, ពង្រឹងគណនីវិនិយោគរបស់អ្នក គ្រប់គ្រងបំណុល និងចំណាយបានច្បាស់លាស់។ ប្រសិនអ្នកកំពុងចាយវាយខ្ជះខ្ជាយ មិនដឹងប្រភពចំណាយនោះ ដូច្នេះ Mint ពិតជាស័ក្ដិសមសម្រាប់អ្នក សន្សំសំចៃប្រាក់សម្រាប់ចាយវាយឡើងវិញបាន។
Evernote៖ Evernote ផ្ដល់ឱ្យអ្នកនូវទំហំចងចាំកិច្ចការជាច្រើនបាន ដោយអនុញ្ញាតឱ្យអ្នកបង្កើតកំណត់ចំណាំផ្សេងៗ ព័ត៌មានផ្ទាល់ខ្លួន(personal information), file, documents, photos, audio recordings, web pages, image និងជាច្រើនទៀត។ Evernote ថែមទាំងបានភ្ជាប់មុខងារ search ដ៏មានប្រសិទ្ធភាព និងមានអត្ថប្រយោជន៍ក្នុងការផ្ទុកឯកសារយោងសំខាន់ៗបានថែមទៀត។ សម្រាប់គណនីព្រីមៀម (premium) នឹងអាចឱ្យអ្នករក្សាទុកទិន្នន័យដល់ទំហំ 1000MB/ខែ។
LinkedIn៖ ជាមួយ LinkedIn គឺមានប្រយោជន៍សម្រាប់បុគ្គលជោគជ័យបង្កើតម៉ាកសញ្ញាផ្ទាល់ខ្លួន (personal brand) ងាយស្រួលភ្ជាប់ទំនាក់ទំនង និងបង្ហាញនូវព័ត៌មានផ្ទាល់ខ្លួនរាល់ពេលមានបច្ចុប្បន្នភាព។ លើសពីនេះ LinkedIn មានលក្ខណៈ ពិសេស គឺផ្ដល់ឱកាសក្នុងការទទួលបាននូវដំបូន្មាន និងការបំផុសគំនិតល្អៗពីបណ្ដាអ្នកដឹកនាំមកពីក្រុមហ៊ុនឧស្សាហកម្មដែលមានឥទ្ធិពល ទទួលបានការងារល្អបំផុតដែលអាចស្វែងរកនៅលើ LinkedIn និងអាចស្វែងរកមនុស្សមនុស្សស្គាល់គ្នា បង្កើតទំនាក់ទំនងល្អបែបសង្គមការងារបានផងដែរ។
Pocket៖ អ្នកមិនចាំបាច់ធ្វើឱ្យកិច្ចការដែលត្រូវបំពេញស្មុគស្មាញ ដោយសារជាប់អានមាតិកាព័ត៌មានទាំងមូលនៅលើរបស់គេហទំព័រ Bloomberg Business ឬ Washington Post ទៀតហើយ ព្រោះ Pocket អាចឱ្យអ្នក save សាច់រឿងព័ត៌មានមានលក្ខណៈយ៉ាងសាមញ្ញ និងអាចបើកអានក្នុងពេលវេលាណាមួយដ៏ស័ក្ដិសមសម្រាប់អ្នកបាន។
Casual Project Management៖ Casual Project Management គឺជា business tool (គន្លឹះអាជីវកម្ម) មួយ សម្រាប់បង្កើតគម្រោងបានងាយស្រួល មានលក្ខណៈ សាមញ្ញ ផ្ដល់ឱ្យសមាជិកក្នុងក្រុមភ្ជាប់ទំនាក់ទំនងគ្នាក្នុងពេលតែមួយ ងាយស្រួលលើកមតិជុំវិញគម្រោង។
Slack៖ Slack គឺផ្ដល់អត្ថប្រយោជន៍ច្រើនដល់ក្រុមការងារ ព្រោះវាភ្ជាប់ទំនាក់ទំនងរវាងបុគ្គលិកជាច្រើនបានយ៉ាងរលូន។ ជាមួយ Slack អ្នកអាចបង្កើតការសន្ទនារវាងគ្នា និងមិនឱ្យខកខានរឿងពិភាក្សាគ្នាឡើយ។ វាជួយក្រុមរបស់អ្នក ដើម្បីបង្កើនផលិតភាពបន្ថែមទៀត ព្រមទាំងផ្ដល់ជា platform ងាយស្រួលក្នុងដំណើរការ។
