នៅអឺរ៉ុប ក្មេងជំទង់ៗអាយុក្រោម ១៦ឆ្នាំមិនអនុញ្ញាតិឲ្យប្រើ Facebook និង Twitter ទេ!
និយតករអឺរ៉ុបបានអនុម័តបទបញ្ញត្តិថ្មីដែលអាចរារាំងក្មេងជំទង់ពីការប្រើប្រាស់បណ្ដាញសង្គម។ បទបញ្ញត្តិថ្មីគឺជាផ្នែកមួយនៃការផ្លាស់ប្ដូរការការពារទិន្នន័យ (data protection) ក្នុងតំបន់អឺរ៉ុប ហើយគេរំពឹងថា នឹងចាប់អនុវត្តពីឆ្នាំ២០១៦ ក្រោយនេះតទៅ។
ច្បាប់ថ្មីនេះ នឹងកម្រិតអាយុក្មេងជំទង់ ១៦ឆ្នាំចុះក្រោមគឺមិនអាចប្រើបណ្ដាញទំនាក់ទំនងសង្គមបានទេ បើហ៊ានលួចប្រើនោះនឹងខុសទៅនឹងច្បាប់ដែលបានកំណត់ ម្យ៉ាងក៏មិនមានការយល់ព្រមពីឪពុកម្ដាយរបស់ពួកគេក្នុងការប្រើសេវាកម្មដូចជា Snapchat, Instagram, Facebook និងបណ្ដាញសង្គមផ្សេងទៀត។ ច្បាប់នេះ ក៏អាចប្រែប្រួលទៅតាមប្រទេសនិមួយៗដែរ ដែលមានសមាជិករដ្ឋទាំង២៨ នៃសហភាពអឺរ៉ុបជាអ្នកកំណត់ចន្លោះអាយុក្មេងជំទង់មិនអាចប្រើ Social Network អាចស្ថិតក្នុងចន្លោះពី ១៣ឆ្នាំទៅ ១៦ឆ្នាំចុះក្រោម។ វាអាចត្រូវការរយៈពេល ២ឆ្នាំដើម្បីឱ្យច្បាប់ថ្មីនេះចូលជាធរមាន។ វាហាក់ដូចជាតឹងរ៉ឹងបន្តិច សម្រាប់លោកនៅតំបន់អឺរ៉ុប ហើយលោកអ្នកក៏ប្រហែលគិតដូច្នេះដែរ ព្រោះបើអ្នកមានអាយុមិនទាន់គ្រប់ ១៦ឆ្នាំ នោះមិនអាចប្រើបណ្ដាញសង្គមបានឡើយ៕
