ក្រុមហ៊ុន Huawei បានប្រកាសអំពីតួលេខលក់ស្មាតហ្វូនសរុបក្នុងឆ្នាំ២០១៥ នេះ គឺលក់បាន ១០០លានគ្រឿង ដែលនាំឱ្យក្រុមហ៊ុនទូរស័ព្ទចិននេះ ជាប់ចំណាត់ថ្នាក់លេខ៣ ជាក្រុមហ៊ុនក្ដាប់ចំណែកទីផ្សារស្មាតហ្វូនពិភពលោកធំជាងគេបន្ទាប់ពី Samsung និង Apple។
ក្រុមហ៊ុនបានបញ្ចេញស៊េរីស្មាតហ្វូនទំនើបៗដែលបានជួយជំរុញទីផ្សារទូរស័ព្ទដៃក្នុងឆ្នាំនេះ រួមមានម៉ូដែល Huawei P8 និងស៊េរី Mate S ជាដើម។ ក្រុមហ៊ុនស្មាតហ្វូនលំដាប់លេខ៣ លើលោកនេះ ថែមទាំងបានសហការជាមួយ Google ក្នុងការផលិតស្មាតហ្វូន Nexus 6P ក្នុងឆ្នាំនេះផងដែរ ដែលបានជួយលើកស្ទួយម៉ាក Huawei ក្នុងសហរដ្ឋអាមេរិក និងទីផ្សារអឺរ៉ុប។
រង់ចាំមើលថា តើនៅឆ្នាំ២០១៦ ខាងមុខ Huawei នឹងមានយុទ្ធសាស្ត្រពង្រឹងទីផ្សារស្មាតហ្វូនយ៉ាងណាទៀត? តើ Huawei នឹងបន្តពង្រីកទីផ្សារបានថែមទៀតឬយ៉ាងណា?
