WebOS ដែល​ពី​មុន​ជា​ប្រព័ន្ធ​ប្រតិបត្តិការ​ស្មាតហ្វូន​នោះ ឥឡូវ​បាន​បង្ហាញ​វត្តមាន​នៅ​លើ​ទូរទស្សន៍​ឆ្លាតវៃ​របស់ LG ហើយ ដែល​ជា​បច្ចេកវិទ្យា​ថ្មី​សន្លាង។ LG នឹង​នាំ​យក​ប្រព័ន្ធ​ប្រតិបត្តិការ webOS 3.0 នេះ​ទៅ​បង្ហាញ​នៅ​ក្នុង​ពិព័រណ៍ CES 2016 ខែ​ក្រោយ​នេះ តាមរយៈ Smart TV របស់​ខ្លួន។ សូហ្វ៊ែរ​នេះ​អាច​មិន​មាន​ការ​ផ្លាស់ប្ដូរ​ថ្មី​ច្រើន​នោះ​ទេ ដោយសារ​វា​ត្រូវ​បាន​ធ្វើ​បច្ចុប្បន្ន​ពី webOS ជំនាន់​មុន។

webOS 3.0 ​ត្រូវ​បាន​បង្កប់​មុខងារ​មួយ​ចំនួន ត្រូវ​បាន​ឌីហ្សាញ​សម្រាប់​ប្រើប្រាស់​ជាមួយ​ឧបករណ៍​ទំនើបៗ​របស់ LG ពិសេស​ទៀត​នោះ ពេល​នេះ​ត្រូវ​ក្រុមហ៊ុន​ផលិត​ប្រអប់​ទូរទស្សន៍ set-top box តម្លៃ​ធូរ​ថ្លៃ។ WebOS 3.0 ​មាន​មុខងារ​ល្អ​គួរ​កត់សម្គាល់​មួយ​ចំនួន។ អ្នក​នឹង​អាច​ចែក​អេក្រង់​ទូរទស្សន៍​ជា​ ២ប៉ុស្តន៍​ផ្សេង​គ្នា អាច​ទស្សនា​បាន​ក្នុង​ពេល​តែមួយ និង​ទស្សនា​រូបភាព​កម្រិត blu-ray បាន។ អ្នក​អាច​ដំណើរការ​កម្មវិធី Music Player app ​របស់ LG ស្ដាប់​តន្ត្រី​តាម speaker ​របស់​ទូរទស្សន៍​បាន ខណៈ​ដែល​អេក្រង់​ទូរទស្សន៍​បាន​បិទ​ហើយ​ក៏​ដោយ។ ហើយ​ក៏​អាច​បញ្ជា​សម្ភារៈ​ប្រើប្រាស់​ឆ្លាតវៃ​ក្នុង​ផ្ទះ​ដោយ​ប្រើ​កម្មវិធី​ទូរទស្សន៍ loTV app របស់ LG៕