LG G5 ត្រូវគេរាយការណ៍ថា នឹងបំពាក់អេក្រង់ទី២ និងមានកាមេរ៉ាក្រោយភ្លោះ
LG G5 ដែលនឹងជាស្មាតហ្វូនថ្មីបន្ទាប់របស់ LG ត្រូវគេរាយការណ៍នឹងភ្ជាប់អេក្រង់ទី២ ស្រដៀងនឹងស្មាតហ្វូនទំនើប V10 ដែរ។ នេះបើយោងតាមរបាយការណ៍ពីគេហទំព័រ VentureBeat។ របាយការណ៍ឱ្យដឹងទៀតថា អេក្រង់ទី២ របស់ LG G5 នឹងមានទំហំ resolution 160x1040px ។ ប្រភពដែលលើកឡើងថា ស្មាតហ្វូនថ្មីនេះ នឹងត្រូវបំពាក់កាមេរ៉ាក្រោយចំនួន២ ដែលមានទំហំ 16MP ថតរូបក្នុងមុំ ១៣៥ដឺក្រេ wide-angle។
កាមេរ៉ា lens ទាំងពីររបស់ LG G5 នឹងត្រូវបំពាក់ភ្លើងជំនួយកាមេរ៉ា LED Flash រាងមូល គាំទ្រមុខងារ autofocus, RGB sensor និងមុខងារ recognition។ ស្មាតហ្វូន LG G5 នឹងត្រូវបំពាក់អង្គប្រតិបត្តិ Snapdragon 820, អេក្រង់ ៥,៣អ៊ីញ QHD, RAM 3GB អង្គចងចាំ 32GB, កាមេរ៉ាមុខទំហំ 8MP, ថាមពលថ្ម 2800mAh ហើយគាំទ្រមុខងារស្កេនក្រយៅដៃ fingerprint នៅខាងក្រោយ។ យ៉ាងណាពេលនេះពុំទាន់មានព័ត៌មានពីតម្លៃទូរស័ព្ទទំនើបនេះនៅឡើយ គ្រាន់តែរំពឹងថា នឹងមានលក់លើទីផ្សារនៅត្រីមាសទី១ ឆ្នាំ២០១៦ ខាងមុខ៕
