កម្មវិធីទូរស័ព្ទ ៥ សម្រាប់អ្នកចង់ឈប់ជក់បារី
បច្ចេកវិទ្យាកាន់តែទំនើប កាន់តែផ្ដល់ដំណោះស្រាយដល់អ្នកប្រើប្រាស់ ជាក់ស្ដែងដូចជាកម្មវិធីទាំងប្រាំខាងក្រោមនេះអីចឹង គឺអាចជួយអ្នកចង់ឈប់បារីឱ្យទទួលបានជោគជ័យដូចបំណងបាន។ សាកល្បងដោនឡូតមកប្រើ៖
១) Smoke Free៖ បង្ហាញពីការវិវត្តន៍ នៃការឈប់ជក់បារី។ វាបង្ហាញពីពេលវេលាដែលអ្នកបានឈប់ជក់ ថវិកាប៉ុន្មានដែលអាចសន្សំបាន ហើយសុខភាពរបស់អ្នកបានប្រសើរក្នុងកម្រិតណាបន្ទាប់ពីឈប់បារីហើយ។
២) stickK៖ ប្រសិនបើអ្នកឈប់បារីឈប់មិនបានសម្រេចទេ កម្មវិធីនេះនឹងធ្វើឱ្យអ្នកនោះបង់លុយ ២០$។ តាមពិតអ្នកជក់បារី ក៏អាចកុហកបានដែរ។
៣) Quit Pro៖ គឺជាកម្មវិធីកំណត់បានថាអ្វីខ្លះដែលធ្វើឱ្យអ្នកចង់ជក់បារី៖ អារម្មណ៍ ស្ថានភាព ឬអ្វីដែលអ្នកមាន។ វាក៏បង្ហាញពីចំនួនបារីដែលអ្នកបានជក់ ហើយចំនួនដែលអ្នកបានកាត់បន្ថយផងដែរ ដោយគ្រាន់តែបញ្ចូលទិន្នន័យ។
៤) HabitBull៖ ជា App សម្រាប់កំណត់កម្មវិធីផ្លាស់ប្ដូរទម្លាប់របស់អ្នក។ អ្នកអាចដាក់បញ្ចូលទម្លាប់មិនល្អទាំងឡាយរបស់អ្នក ហើយកំណត់ reminders ដើម្បីធ្វើរឿងល្អដែលនឹងក្លាយជាទម្លាប់ល្អ។ វាក៏មានបញ្ចូលដោយភ្ជាប់ជាមួយនឹងប្រតិទិនដើម្បីកំណត់សកម្មភាពភ្ជាប់ជាមួយនឹងកាលបរិច្ឆេទ។
៥) កម្មវិធី Text Message៖ កម្មវិធីសម្រាប់ផ្ញើសារមានច្រើនណាស់ ហើយជាការពិតមួយគឺថា ការសិក្សាបង្ហាញថា អ្នកដែលប្រើកម្មវិធីផ្ញើសារច្រើន គឺអាចជួយកម្ចាត់ទម្លាប់នៃការជក់បារីបាន។ កម្មវិធី Social media ក៏អាចជួយបានផងដែរ៕
ដោយ៖ រតនៈវិភូ
