ល្បិច Save ​វែបសាយ​ទុក​មើល​ឡើង​វិញ​ពេល​ទូរស័ព្ទ​អត់​អ៊ីនធឺណិត​ អនុវត្ត​​លើ​ទូរស័ព្ទ Android​



​តើ​លោក​អ្នក​ប្រើ​ស្មាតហ្វូន ឬ​ថេប្លេត Android ​សម្រាប់​បើក​មើល​វែបសាយ​ដែរ​ឬ​ទេ? ជា​ការ​ពិត​ណាស់ តាម​ធម្មតា ដើម្បី​អាច​បើក​វែបសាយ​បាន​លុះ​ត្រា​ទូរស័ព្ទ​របស់​អ្នក​ភ្ជាប់ Wi-Fi ឬ​មាន​អ៊ីនធឺណិត​ក្នុង​ទូរស័ព្ទ។ ចុះ​ប្រសិន​បើ​គ្មាន​អ៊ីនធឺណិត តើ​ត្រូវ​ធ្វើ​ដូចម្ដេច? ទំព័រ​នេះ យើង​សូម​លើក​យក​គន្លឹះ ក្នុង​ការ Save ​គេហទំព័រ​ទុក​បើក​មើល​ឡើង​វិញ ពេល​អត់​អ៊ីនធឺណិត​នៅ​លើ​ស្មាតហ្វូន/ថេប្លេត Android៖ អ្នក​អាច​ធ្វើការ save ​ទំព័រ​នៃ​វែបសាយ​ទុក​បាន​យ៉ាង​ងាយស្រួល ដើម្បី​បើក​មើល​ឡើង​វិញ​ក្នុង​ទម្រង់ offline នៅ​លើ Google Chrome ឬ​នៅ​លើ​កម្មវិធី (browser) ​ដទៃ​ទៀត​ដូច​ជា Mozilla Firefox ជាដើម។ មិន​ដូច Chrome ​នៅ​លើ​កុំព្យូទ័រ Desktop នោះ​ឡើយ កម្មវិធី Chrome app ​សម្រាប់​ឧបករណ៍ Android ​មិន​ឱ្យ​អ្នក save ​ទំព័រ​នៃ​វែបសាយ (wep page) បាន​ទាំងស្រុង​នោះ​ឡើយ។ អ្វី​ដែល​អ្នក​អាច​ធ្វើ​បាន គឺ save វា​ទុក​ជា​ទម្រង់​ឯកសារ PDF file ​ដើម្បី​មើល​បាន​ពេល​អត់​អ៊ីនធឺណិត។ សូម​អនុវត្ត​តាម​ជំហាន​ខាងក្រោម៖ +អនុវត្ត​លើ​កម្មវិធី Chrome app -​ត្រូវ​បើក​កម្មវិធី Chrome ​រួច​បើក​ចូល​ទៅ​វែបសាយ​ណាមួយ​ដែល​អ្នក​ចង់ save។ -បន្ទាប់​មក​ចុច​លើ​ប៊ូតុង​ម៉ឺនុយ​ចុច​បី (3-dot) ​របស់​កម្មវិធី Chrome ហើយ​ជ្រើសរើស “Print” ពី​ម៉ឺនុយ​ធ្លាក់​ចុះ (drop-down menu)។

-អ្នក​នឹង​ឃើញ​ប៊ូតុង​មួយ​ដែល​អាច​ឱ្យ​គេ save ​វែបសាយ​ទៅ​ជា​ទម្រង់ PDF ​បាន រួច​ចុច​លើ​ប៊ូតុង​នោះ រួច​ជ្រើសរើស​ដើម្បី save ឯកសារ (file) ក្នុង​ទីតាំង Download និង​ប្ដូរ​ឈ្មោះ file ដើម្បី​ងាយស្រួល​ចំណាំ រួច​ចុច​លើ Save ​នោះ file នឹង​ត្រូវ​បាន save ​នៅ​ក្នុង​ថត​ឯកសារ Downloads។ +អនុវត្ត​លើ​កម្មវិធី Firefox app -បើក​កម្មវិធី firefox ​លើ​ឧបករណ៍ Android រួច​ចូល​ទៅ Menu → Page → Save As PDF។ ឯកសារ PDF ​នឹង​ត្រូវ save ​ចូល​ទៅ​ក្នុង​ថត​ឯកសារ Download ​របស់​ឧបករណ៍។
X
5s