​ទូរស័ព្ទ​ទំនើប​ស៊េរី​ថ្មី​របស់ LG ​ម៉ូដែល G5 ​នឹង​ត្រូវ​វែក​មុន​មុន​ព្រឹត្តិការណ៍​សមាជ​ផលិតផល​អេឡិចត្រូនិក​ចល័ត MWC ​ខែ​ក្រោយ​នេះ​ហើយ ហើយ​ក្រុមហ៊ុន​ផ្ទាល់​ក៏​បាន​អះអាង​ដែរ​ថា នឹង​ប្រកាស​ជា​ផ្លូវការ​ទូរស័ព្ទ LG G ជំនាន់​ទី៥ នេះ​នៅ​ថ្ងៃ​ទី២១ ខែ​កុម្ភៈ​ខាង​មុខ​នេះ​ហើយ។ ក្រុមហ៊ុន LG ​ទំនង​ចង់​ស្រូត​បញ្ចេញ​ទូរស័ព្ទ​ទំនើប​របស់​ខ្លួន​នេះ ដើម្បី​ប្រកួតប្រជែង​ស្មាតហ្វូន​របស់ Galaxy S7 ដែល​អាច​ត្រូវ Samsung ​ប្រកាស​ចេញ​ក្នុង​ពេល​ប្រហាក់ប្រហែល​គ្នា។ បុគ្គលិក LG ​ថ្មីៗ​នេះ បាន​បញ្ជាក់​ឱ្យ​ដឹង​ថា ក្រុមហ៊ុន​នឹង​ប្រកាស​ចេញ LG G5 ​នៅ​មុន ១ថ្ងៃ​នៃ​សមាជ MWC 2015 ​ខែ​ក្រោយ ទុក​សម្រាប់​ប្រកួតប្រជែង Galaxy S7 របស់ Samsung។

LG ថែមទាំង​ឱ្យ​ដឹង​ទៀត​ថា ស្មាតហ្វូន​ជំនាន់​មុន​របស់​ខ្លួន បាន​ចេញ​ប្រឡូក​លើ​ទីផ្សារ ក្រោយ​ស្មាតហ្វូន Samsung ប៉ុន្មាន​ខែ ប៉ុន្តែ​ក្នុង​ឆ្នាំ​នេះ LG នឹង​រួសរាន់​បញ្ចេញ​ឱ្យ​ទាន់​ពេល​នឹង ទូរស័ព្ទ​ស៊េរី​ថ្មី​របស់ Samsung ដែរ ដើម្បី​ប្រកួតប្រជែង​ទីផ្សារ​ដំណាលគ្នា។ LG G5 ​នឹង​មាន​អេក្រង់ ៥,៦អ៊ីញ​ប្រភេទ Quad HD resolution 2560x1440px ជាមួយ​ដង់ស៊ីតេ​ភិចហ្សែល ៥២៥ភិចហ្សែល​ក្នុង​មួយ​អ៊ីញ (525ppi)។ ទូរស័ព្ទ​ថ្មី​នេះ នឹង​បំពាក់​អង្គ​ប្រតិបត្តិ Qualcomm Snapdragon 820, RAM 4GB, អង្គ​ចងចាំ 64GB (អាច​បន្ថែម microSD)។ លក្ខណៈសម្បត្តិ​ដទៃ​ទៀត LG G5 នឹង​មាន​កាមេរ៉ា​ភ្លោះ នៅ​ផ្នែក​ខាង​មុខ​ជាមួយ​ទំហំ 8MP ដែល​ត្រូវ​បាន​ឌីហ្សាញ​សម្រាប់​មុខងារ​ថត​រូប selfie ​បាន​ស្អាត ចំណែក​កាមេរ៉ា​ក្រោយ​ទំហំ 20MP មាន ½ sensor៕