ស្មាតហ្វូន Android ទំនើបចុងក្រោយប៉ុន្មានម៉ូដែល ជាក់ស្ដែង Galaxy S5/6S របស់ Samsung បានភ្ជាប់មុខងារសាកថ្មឥតខ្សែ (wireless) រួចមកហើយ តែនៅឡើយទូរស័ព្ទ iPhone ដែលមិនទាន់ត្រូវក្រុមហ៊ុន Apple បំពាក់បច្ចេកវិទ្យានេះនៅលើកំពូលស្មាតហ្វូនខ្លួននៅឡើយ។ ជាការពិតណាស់ ការសាកថ្មមិនបាច់ប្រើខ្សែ គឺផ្ដល់ភាពងាយស្រួល។
https://youtu.be/S_gAnsLDJ-w
ដូច្នេះហើយ ទើបមានក្រុមហ៊ុនមួយចំនួនបាន ផលិតចេញឆ្នាំងសាកទំនើបនេះឡើង ដើម្បីប្រើប្រាស់លើស្មាតហ្វូនដែលពុំមានមុខងារ Wireless Charging នេះ។ ចំណែកឆ្នាំងសាក iQi Mobile នេះវិញ ក៏ត្រូវបានផលិតយ៉ាងពិសេស ផ្ដល់មុខងារសាកថ្មឆ្លាតវៃ ដោយមិនចាំបាច់ខ្សែដែរ។ វាត្រូវបានឌីហ្សាញឡើងសម្រាប់ប្រើប្រាស់ជាមួយទូរស័ព្ទ iPhone ជាមួយស្រោមទន់។
https://youtu.be/tbz_7DIkGAo
ឆ្នាំងសាក wireless នេះ មានកម្រាស់យ៉ាងស្ដើង ស្ដើងជាងសន្លឹកកាត ATM ទៅទៀត ពោលគឺមានកម្រាស់ ០,៥មិល្លីម៉ែត្រប៉ុណ្ណោះ។ របៀបប្រើ គេគ្រាន់តែយកចុងសន្លឹក ដែលជាជើងសម្រាប់ស៊កលើរន្ធ Lightning របស់ iPhone ហើយប្រើស្រោមមួយជាន់ទៀត បន្ទាប់មកយកទៅដាក់លើឧបករណ៍សាក wireless doc ជាការស្រេច៕
