ហេតុតែ iPhone 6S ជាស្មាតហ្វូនទំនើប តម្លៃថ្លៃ ម្ល៉ោះហើយម្ចាស់ទូរស័ព្ទ មានការមើលធ្ងន់ ប្រើថែបំផុត។ ដើម្បីការពារមិនឱ្យឆាប់សឹក ឆ្កូត ឬធ្លាក់បែកដោយប្រការណាមួយ ម្ចាស់ iPhone ជាច្រើនបានប្រើស្រោមទូរស័ព្ទជំនួយ។ លើសពីស្រោមការពារទូរស័ព្ទធម្មតា ដោយស្រោម iPhone 6S ចំនួន ៧ខាងក្រោមនេះ ថែមទាំងជួយការពារទូរស័ព្ទអ្នកមិនឱ្យចូលទឹកថែមទៀត។
១) LifeProof FRE (តម្លៃ៧៩ដុល្លារ )
ស្រោម LifeProof FRE នេះ ត្រូវបានឌីហ្សាញជាពិសេស មិនចូលទឹក ហើយក៏ពិសេសសម្រាប់អ្នករស់នៅតំបន់ព្រិលទឹកកកដែរ ព្រោះមិនចូលព្រិល និងធូលីឡើយ។ ស្រោមនេះ អាចធន់ក្នុងទឹកបានរយៈពេល ១ម៉ោង ជម្រៅ ២ម៉ែត្រ។
២) LifeProof FRE Power (តម្លៃ ១២៩,៩៩ដុល្លារ)
ស្រោម iPhone 6S ឈ្មោះស្រដៀងស្រោមខាងលើនេះ LifeProof FRE Power មានតម្លៃថ្លៃបន្តិច ព្រោះមិនត្រឹមតែមានមុខងារការពារទឹក តែក៏បានភ្ជាប់មកជាមួយថ្ម ដើម្បីបន្តអាយុកាលនៃថ្ម iPhone ។
៣) Seidio Obex (តម្លៃ ៦៩,៩៥ដុល្លារ)
ស្រោមនេះ ត្រូវបានផលិតជាពិសេសមានលក្ខណៈ ស្វិត មាំ សម្រាប់ប្រើជាមួយទូរស័ព្ទទំនើប iPhone 6S របស់អ្នក។ វាមានប្រសិទ្ធភាព ការពារ iPhone នៅពេលជ្រុះធ្លាក់ និងការពារទឹកក្នុងជម្រៅ ២ម៉ែត្រ។ Seidio Obex មានពណ៌ លឿង ផ្កាឈូក ប្រផេះ និងពណ៌ស។
៤) Griffin Survivor Summit (តម្លៃ ៤៩,៩៩ដុល្លារ)
ស្រោមនេះ ក៏មានសមត្ថភាពជួយការពារ iPhone 6S របស់អ្នកមិនឱ្យចូលទឹក មិនចូលធូលីដែរ។ Griffin ជាប់ក្នុងតារាងស្រោមទូរស័ព្ទដែលមានតម្លៃល្មមប្រើ។ វាអាចការពារ iPhone 6S ក្នុងជម្រៅ ៣ម៉ែត្រ។
៥) Dog & Bone Wetsuit (តម្លៃ ៧៩,៩៥ដុល្លារ)
ខុសពីស្រោម iPhone ដទៃ ដោយ Dog & Bone នេះ ត្រូវបានផលិតឡើង ផ្ដល់ការពារ iPhone កម្រិតខ្ពស់។ ផ្នែកខាងមុខរបស់ស្រោមនេះ មានជ័រ សម្រាប់ការពារផ្នែកខាងមុខរបស់ iPhone ពីការប៉ះទង្គិចខ្លាំងៗដោយរបស់រឹងផ្សេងៗ។ វាបានបំពាក់បច្ចេកវិទ្យាមិនចូលទឹក IP68៕
