វែបសាយមានអត្ថប្រយោជន៍ទាំង៨ នឹងជួយធ្វើឲ្យអ្នកឆ្លាតវៃជាងមុន
ទន្ទឹមបច្ចេកវិទ្យាលើស្មាតហ្វូនកំពុងមានការអភិវឌ្ឍខ្លាំង ចំណែកតិចណូឡូជីផ្នែកវែបសាយក៏កំពុងត្រូវបានអភិវឌ្ឍ និងផ្ដល់អត្ថប្រយោជន៍សំបូរបែបដល់មនុស្សលើពិភពលោកផងដែរ។ លោកអ្នកអាចប្រើពេលដែលអ្នកអនឡាញ ទៅក្រេបយកចំណេះដឹងបន្ថែមតាមវែបសាយមានប្រយោជន៍ផ្សេងៗនាពេលបច្ចុប្បន្នបាន។ ខាងក្រោមនេះ គឺជាវែបសាយចំនួន៨ ដែលនឹងជួយធ្វើឱ្យអ្នកមានភាពឆ្លាតវៃជាងមុន៖
១) Duolingo
ជាវែបសាយបង្រៀនទាក់ទងនឹងការប្រើប្រាស់ភាសា ហើយក៏មានជា app ផងដែរ។ Duolingo គឺជាជំនាន់ free version នៃ Rosetta-Stone ដែលនាំមកជូនលទ្ធផលប្រើប្រាស់ដូចគ្នា គឺអាចជួយបង្រៀនលោកអ្នកនិយាយ និងសរសេរភាសាផ្សេងៗបាន ដូចជា អេស្ប៉ាញ អង់គ្លេស អាល្លឺម៉ង់ បារាំង ព័រទុយហ្គាល់ និងអ៊ីតាលីជាដើម។ ឆាប់ៗខាងមុខវែបសាយនេះ នឹងត្រូវគេបញ្ចូលភាសារឹតតែច្រើនជាងនេះ។
២) Khan Academy
ជាវែបសាយមានPostsលក្ខណៈពិសេស អាចឱ្យលោកអ្នកជ្រើសរើសមុខវិជ្ជាសម្រាប់រៀន ដោយមិនបាច់ត្រូវចំណាយប្រាក់បង់ថ្លៃសិក្សាតាមសាលារៀននោះឡើយ។ Khan Academy ជួយផ្ដល់នូវការអប់រំល្អមួយ ក្នុងកម្រិតសិក្សាថ្នាក់វិទ្យាល័យ។ វាផ្ដល់នូវប្រភព មេរៀនល្អៗ ដូចជា គណិតវិទ្យា វិទ្យាសាស្ត្រ ប្រវត្តិវិទ្យា និងជាច្រើនទៀត។
៣) Justin Guitar
គឺជាវែបសាយបង្រៀនពាក់ព័ន្ធនឹងឧបករណ៍តន្ត្រី គឺហ្គីតាតែម្ដង។ ចំពោះប្រិយមិត្តដែលពុំសូវមានពេលច្រើន ឬមិនចង់ចំណាយលើការរៀនហ្គីតា អ្នកអាចប្ដូរមកសិក្សាតែអនឡាញនេះបាន។ Justin Guita ជួយបង្រៀនមេរៀនហ្គីតាល្អៗ ស្ទីលលេងខុសៗគ្នា អាស្រ័យលើចំណូលចិត្តដែលអ្នកចង់លេង។
៤) Cooking for Engineers
ជាវែបសាយពិសេសមួយ ដែលផ្ដល់នូវរូបមន្តធ្វើម្ហូបអាហារពិសេសៗ។ តាមរយៈវែបសាយនេះ នឹងរឹតតែបន្ថែមរសជាតិអាហាររបស់អ្នកថែមមួយកម្រិតទៀត។ លើសពីនេះ Cooking for Engineers នឹងប្រាប់ពីគ្រឿងផ្សំ និងរូបមន្តចម្អិនដ៏គួរឱ្យចាប់អារម្មណ៍។
៥) MIT Open Courseware
ជាវែបសាយមួយ ដែលត្រូវបានបង្កើតឡើងដោយក្រុមអ្នកបង្រៀននៅវិទ្យាស្ថានបច្ចេកវិទ្យា Massachusetts ដើម្បីបានចែករំលែកព័ត៌មានអំពីវគ្គសិក្សាតាមអនឡាញយ៉ាងច្រើនសំបូរបែប។ មនុស្សរាប់រយលានអ្នក បានទទួលប្រយោជន៍ពីព័ត៌មានដែលពួកគេបានសិក្សាពីវគ្គសិក្សាទាំងនេះ ហើយជាវែបសាយផ្ដល់នូវវគ្គសិក្សាឥតគិតថ្លៃឡើយ។
៦) Investopedia
ជាវែបសាយបង្រៀនអ្នកឱ្យចេះគ្រប់គ្រងរបាយការណ៍ហិរញ្ញវត្ថុផ្ទាល់ខ្លួន យ៉ាងងាយស្រួល។ វាពិតជាផ្ដល់អត្ថប្រយោជន៍ខ្លាំងសម្រាប់លោកអ្នក ដែលមានគម្រោងសន្សំសំចៃការចាយវាយ។ ការគ្រប់គ្រងរបាយការណ៍ចំណូលចិត្ត បានល្អិតល្អ នឹងធ្វើឱ្យស្ថានភាពហិរញ្ញវត្ថុរបស់អ្នកមានភាពល្អប្រសើរ។
៧) Quora
អាចនិយាយបានថា ជាវេទិកាសំណួរចម្លើយ ឬជាកន្លែងសម្រាប់ចែករំលែកបទពិសោធន៍ផ្សេងៗរវាងមនុស្សមកពីជុំវិញពិភពលោក។ វែបសាយ Quora អាចមានការបញ្ចេញមតិ ពីបុគ្គលល្បីៗ មានបទពិសោធន៍ផ្សេងៗគ្នាពីគ្រប់ទិសទី ហើយអ្នកនឹងអាចទទួលយកបទពិសោធន៍ល្អៗ ឬក៏អាចចែករំលែកនូវបទពិសោធន៍ដែលខ្លួនមាននៅលើនោះផងដែរ។ ៨) CliffsNotes
សម្រាប់សិស្សវិទ្យាល័យ និងនិស្សិតមហាវិទ្យាល័យ នឹងពេញចិត្តជាមួយវែបសាយនេះ ព្រោះវាផ្ដល់អត្ថប្រយោជន៍ ក្នុងការសិក្សា និងការត្រៀមធ្វើតេស្ត សម្រាប់សៀវភៅស្តង់ដារទាំងឡាយ។ វែបសាយនេះផ្ដល់នូវប្រភពនៃមេរៀន និងលំហាត់គណិតវិទ្យា និងវិទ្យាសាស្ត្រ៕
