ទន្ទឹម​បច្ចេកវិទ្យា​ស្មាតហ្វូន​មាន​ការ​រីកចម្រើន ក្នុង​នោះ​បណ្ដាញ​សង្គម​ក៏​រឹតតែ​មាន​ការ​ពេញ​និយម​ប្រើប្រាស់​នៅ​លើ​ទូរស័ព្ទ​ទំនើបៗ​ទាំង​នោះ​ផង​ដែរ។ Instagram គឺ​ជា​បណ្ដាញ​ចែកចាយ​រូបថត​ពេញ​និយម​មួយ របស់ Facebook ក៏​កំពុង​មាន​អ្នក​ប្រើ​ច្រើន​ណាស់​ដែរ។ ជា​ធម្មតា​អ្នក​អាច​ភ្ជាប់ Login ប្រើ​គណនី Instagram បាន​តែ​មួយ​នៅ​លើ​ស្មាតហ្វូន​មួយ។ ដូច្នេះ​ទំព័រ​នេះ BizKhmer សូម​លើក​យក​គន្លឹះ​អាច​លេង Instagram ច្រើន Account នៅ​លើ​ទូរស័ព្ទ Android និង iPhone ដូច​ខាង​ក្រោម៖ ១) ​បើក​កម្មវិធី Instagram app នៅ​លើ​ឧបករណ៍ iOS ឬ Android។ ចុច​ចូល​ទៅ​កន្លែង​មើល Profile ផ្ទាល់​ខ្លួន​របស់​អ្នក។

២) ​ចុច​ចូល​ទៅ​រូប icon “Settings” ដែល​ស្ថិត​នៅ​ខាង​លើ និង​ខាង​ស្ដាំ នៃ​ទំព័រ Profile របស់​អ្នក។ កន្លែង​នេះ មាន​ផ្ទុក settings ​អំពី​គណនី ដែល​អាច​ឱ្យ​អ្នក​ផ្លាស់ប្ដូរ​អ្វីៗ​ពាក់ព័ន្ធ​នឹង​គណនី​ផ្ទាល់​របស់​អ្នក។

៣) ​រំកិល​ចុះក្រោម​បំផុត ហើយ​ចុច​លើ​ជម្រើស Add Account រួច​បំពេញ​ព័ត៌មាន​គណនី Instagram ដែល​អ្នក​ចង់​បន្ថែម ដែល​មាន Username និង Password។ ក្នុង​នោះ​ក៏​មាន​ជម្រើស Login ជាមួយ​គណនី Facebook ផង​ដែរ។

៤) គណនី​ទី២ នឹង​បង្ហាញ​នៅ​ក្នុង​កម្មវិធី Instagram app។ អ្នក​អាច​បន្ថែម​គណនី​រហូត​ដល់ ៥គណនី​នៅ​ក្នុង​កម្មវិធី Instagram តែមួយ​នេះ ដោយ​ប្រើ​វិធីសាស្ត្រ​ដូចៗ​គ្នា៕