រថយន្តម៉ាក Mercedes-Benz ម៉ូដែល G63 AMG គឺជារថយន្តដ៏មានសមត្ថភាពខ្លាំង យ៉ាងរឹងមាំ និងប្រណិតមួយក្នុងចំណោមរថយន្តសមត្ថភាពខ្ពស់ៗដាក់លក់នៅលើទីផ្សារពេលបច្ចុប្បន្ន។ រថយន្តទំនើបសមិទ្ធផលរបស់ក្រុមហ៊ុន Mercedes-Benz ខាងលើនេះ មានលក្ខណៈពិសេសៗជាច្រើនដែលរឹងមាំនៅលើផ្នែកផ្សេងៗនៃរថយន្ត។ ជាក់ស្ដែង G63 AMG ត្រូវបានបំពាក់បង្អួចយ៉ាងរឹងមាំអាចការពារគ្រាប់កាំភ្លើងប្រភេទផ្សេងៗបាន។ ចំណែកសាច់បាតរថយន្តមានកម្រាស់ដ៏រឹងមាំអាចធន់នឹងគ្រាប់បែកផ្ទុះបានថែមទៀត។
តោះទៅទស្សនារូបរាងឌីហ្សាញ និងលក្ខណៈសម្បត្តិនៃផ្នែកផ្សេងៗលើរថយន្តម៉ូដែល G63 AMG របស់ក្រុមហ៊ុនអាល្លឺម៉ង់នេះទៅមើល៍ តើពិតជាទំនើបខ្លាំងដូចគេថាមែនឬទេ?
-រថយន្ត Mercedes-Benz G63 AMG ត្រូវបានផលិតក្នុងកម្រិតស្តង់ដារគុណភាពខ្ពស់ មានទម្ងន់ ៥៦០០ផោន ឬស្មើនឹងប្រហែល ៥៥៩៧គីឡូក្រាម ស័ក្ដិសមសម្រាប់ធ្វើជារថយន្តយោធា ដែលមានល្បឿនសន្ទុះ ៦០ម៉ាយល៍ក្នុងមួយម៉ោង ឬប្រហែល ៩៦,៥គីឡូម៉ែត្រ/ម៉ោង ដោយប្រើថេរវេលា ៥,៣វិនាទី។
-ភាពធន់ទ្រាំរឹងមាំនៅលើរថយន្តស្ព័រប្រភេទ SUV នេះ គឺត្រូវបានអភិវឌ្ឍដោយក្រុមហ៊ុន Inkas ដើម្បីផ្ដល់ទំនុកចិត្ត សុវត្ថិភាពខ្ពស់ដល់អ្នកជិះជាមួយការបំពាក់កាមេរ៉ាសុវត្ថិភាព។ ចំពោះម៉ាស៊ីនរបស់វាគឺកម្រិត 5.5-liter biturbo V8 មានកម្លាំងម៉ាស៊ីន ៥៤៤សេះ។
-បើក្រឡេកមើលរចនាបថនៅផ្នែកខាងក្នុងរថយន្តវិញ គឺស្អាត បំពាក់ដោយបរិក្ខារល្អប្រណិតដូចជាអាហារដ្ឋានមួយដែលពោរពេញដោយសម្ភារៈប្រើប្រាស់សម្បូរបែប មានដូចជា តុ កៅអី ប្រព័ន្ធផ្កាយរណបទូរទស្សន៍ (satellite TV system), ទូទឹកកក ដែលអាចត្រៀមអាហារ និងភេសជ្ជៈងាយស្រួលញុំាគ្រប់ពេលបាន។ មុខងារប្រណិត និងមុខងារសុវត្ថិភាពនៅលើរថយន្ត G63 នេះគឺអាចឱ្យអ្នកជិះធ្វើការគ្រប់គ្រង និងបញ្ជាបានដោយប្រើតែ iPad Mini ប៉ុណ្ណោះ៕
