​តាមរយៈ​ស្មាតហ្វូន​ស៊េរី​ថ្មី Galaxy S7 ​និង S7 edge ​ត្រូវ​គេ​រំពឹង​ថា នឹង​ជួយ​បង្កើន​ចំណែក​ទីផ្សារ​បន្ថែម​ដល់​ក្រុមហ៊ុន Apple ​អាច​នឹង​លក់​ដាច់​ជាង Galaxy S6 ​ទាំងពីរ​ដែល​ចេញ​កាលពី​ឆ្នាំ​មុន​គិត​ត្រឹម​រយៈពេល ៣ខែ​ដំបូង​បន្ទាប់ពី​បាន​ប្រកាស។ ​តាម​សេចក្ដី​រាយការណ៍​ពី​ប្រព័ន្ធ​ផ្សព្វផ្សាយ​កូរ៉េ​មួយ​ឱ្យ​ដឹង​ថា ក្រុមហ៊ុន Samsung ​ពេល​នេះ​មាន​គម្រោង​ផលិត​ Galaxy S7 ​និង Galaxy S7 edge សរុប​ឱ្យ​បាន​ចំនួន ១៧,២លាន​គ្រឿង​នៅ​ត្រឹម​ខែ​មេសា​ខាង​មុខ។ ប្រាកដ​ណាស់​ថា Samsung ​មាន​ក្ដី​សង្ឃឹម​អាច​បំបែក​កំណត់ត្រា​លក់​ស្មាតហ្វូន​ស៊េរី​ថ្មី​ទាំងពីរ​ឱ្យ​លក់​បាន​ច្រើន Galaxy S6/6 edge ​ដែល​ឆ្នាំ​ទៅ​ក្រុមហ៊ុន​អាច​លក់ S6 ទាំង​ពីរ​ដាច់​បាន ១៥,៨លាន​គ្រឿង​ត្រឹម​រយៈពេល ៣ខែ​បន្ទាប់​ពី​ចេញ​លក់។ រីឯ Galaxy S4 ​ក៏​លក់​ដាច់​ខ្លាំង​ដែរ គឺ​មាន​ចំនួន ១៥,២លាន​គ្រឿង​គិត​ត្រឹម​រយៈពេល​ដូច​គ្នា។ ដូច្នេះ​ការ​ផលិត S7 ទាំង​ពីរ​ម៉ូដែល​ក្នុង​បរិមាណ​ដ៏​ច្រើន​ជាង​មុន ១៧,២លាន​គ្រឿង គឺ​​បញ្ជាក់​អំពី​សង្ឃឹម​មុតមាំ​របស់ Samsung ​ទៅ​លើ​ការ​លក់​ស្មាតហ្វូន​ជំនាន់​ថ្មី​​ទាំងពីរ​នៅ​រយៈពេល ៣ខែ​ដំបូង​លើស S6 ទៀត៕ ​ប្រែ​សម្រួល៖ រឹទ្ធិរាជ ប្រភព៖  gsmarena