​រថយន្ត​បើកបរ​ដោយ​ស្វ័យប្រវត្តិ​របស់​ក្រុមហ៊ុន Google ​ត្រូវ​បាន​ដាក់​ឱ្យ​ធ្វើតេស្ត​បើក​សាកល្បង​តាម​ដង​ផ្លូវ​សាធារណៈ អស់​ជា​ច្រើន​លាន​ម៉ោង​មក​ហើយ ពី​ព្រោះ​ដើម្បី​ត្រួតពិនិត្យ​ប្រព័ន្ធ​សុវត្ថិភាព ធានា​បាន​នូវ​សុវត្ថិភាព​ដល់​អ្នក​ជិះ។ ​យ៉ាងណា របាយការណ៍​ថ្មី​នេះ ឱ្យ​ដឹង​ថា ​រថយន្ត Self-Driving ​មួយ​គ្រឿង​របស់ Google ពេល​កំពុង​ធ្វើតេស្ត​ក៏​មាន​បញ្ហា​ប៉ះ​ជាមួយ​រថយន្ត​ក្រុង​ដឹក​អ្នក​ដំណើរ​សាធារណៈ។ ​យោង​តាម​របាយការណ៍​របស់​នាយកដ្ឋាន​យានយន្ត​នៃ​រដ្ឋ California ​ដែល​រាយការណ៍​ដោយ​លោក Mark Harris ​ឱ្យ​ដឹង​ថា ​រថយន្ត​ស្វ័យប្រវត្តិ​ម៉ូដែល Lexus SUVs ​របស់ Google ​បាន​បើក​ទៅ​ប៉ះ​រថយន្ត​ក្រុង​ដឹក​អ្នក​ដំណើរការ​ដែល​កំពុង​បើកបរ​ក្នុង​ល្បឿន​បន្ទាប់​យឺត។ ក្រុមហ៊ុន Google ​បាន​និយាយ​ថា ​រថយន្ត​បើកបរ​ស្វ័យប្រវត្តិ​របស់​ខ្លួន ​ដែល​កំពុង​ស្ថិត​ក្នុង​ទម្រង់ self-Driving ​ពេល​នោះ ហើយ​បាន​ធ្វើ​ដំណើរ​ក្នុង​ចម្ងាយ ២ម៉ាយល៍​រួច​ទៅ​ហើយ ចំណែក​រថយន្ត​ក្រុង​ធ្វើ​ដំណើរ​បាន ១៥ម៉ាយល៍​នៅ​ពេល​ប៉ះទង្គិច​គ្នា។ ប្រព័ន្ធ​រថយន្ត Self-Driving អាច​ច្រឡំ​ស្មាន​ថា ​រថយន្ត​ក្រុង​នោះ នឹង​ប្រុងប្រៀប​វ៉ា​រថយន្ត​ខាង​មុខ ប៉ុន្តែ​បែរ​ជា​បើក​ក្នុង​ល្បឿន​យឺតៗ​ទៅ​វិញ។ ប្រែ​សម្រួល៖ រឹទ្ធិរាជ ប្រភព៖ theverge