ខណៈ​ទូរស័ព្ទ iPhone 5SE ​​កំពុង​ក្លាយ​ជា​ប្រធានបទ​ក្ដៅ​នោះ ពេល​នេះ​គេ​ទទួល​បាន​របាយការណ៍​ថ្មី​ថា iPhone អេក្រង់ ៤អ៊ីញ​ថ្មី​នេះ ​នឹង​ត្រូវ​ក្រុមហ៊ុន Apple ​វែក​មុខ​នៅ​ថ្ងៃ​ទី២២ ខែ​មីនា​នេះ។ យ៉ាងណា ​ពេល​នេះ ប្រភព​ព័ត៌មាន timesnews ​បាន​ទម្លាយ​រូប​បើក​ប្រអប់ iPhone 5SE ​មុន​ទៅ​ហើយ។ តើ​រូបរាង និង​លក្ខណៈ សម្បត្តិ​ស្មាតហ្វូន​នេះ យ៉ាងណា​ខ្លះ? បើ​មើល​តាម​រូប​ខាង​លើ​បង្ហាញ​ថា ​iPhone 5SE ​​មាន​រចនាបថ​ដូច​ទៅ​នឹង iPhone 6S ​រីឯ Touch ID ​ក៏​នឹង​មាន​ប្រើ​នៅ​លើ iPhone ​អេក្រង់ ៤អ៊ីញ​នេះ​ផង​ដែរ។ ​ចំពោះ​ឈីប​អង្គ​ប្រតិបត្តិ នឹង​បំពាក់ Apple A9 ​ដូច​នៅ​លើ iPhone 6S។ យ៉ាងណា​វា​មាន RAM ​ស្មើ​នឹង​ពាក់​កណ្ដាល​នៃ​ជំនាន់ 6S ​គឺ​តែ 1GB ​ប៉ុណ្ណោះ។ iPhone 5SE ​ត្រូវ​គេ​រំពឹង​ថា នឹង​មាន​ការ​ឌីហ្សាញ​កែកុន​បន្ថែម​ពិសេស​ទៅ​លើ iPhone 5S ដោយ​សមត្ថភាព hardware ខ្ពស់​ជាង​មុន ​និង​រចនា​ឡើង​វិញ​ត្រង់​ចំណុច​ខ្លះ។ ចំណែក​រូបរាង​បែក​ធ្លាយ​ចេញ​ពេល​នេះ គឺ​មាន​ទាំង​ប្រអប់ ​និង​បង្ហាញ​ឱ្យ​ឃើញ​អេក្រង់ iPhone 5SE ​​ត្រូវ​បាន​បំពាក់​កញ្ចក់​​ការពារ​មាន​លក្ខណៈ កោង 2.5D។ ​រង់ចាំ​មើល​ទាំង​អស់​គ្នា​ថា តើ​នៅ​ថ្ងៃ​ទី២២ មីនា​នេះ ​Apple ​សម្ពោធ​ទាំង iPhone 5SE និង iPad Pro ​មាន​លក្ខណៈ​ពិសេស​ជាង​ជំនាន់​មុន​យ៉ាង​ណា​ខ្លះ? ​ប្រែ​សម្រួល៖ រឹទ្ធិរាជ ប្រភព៖ gsmarena