បើ iPhone 6S ស៊ីថ្មខ្លាំង សាកបើក Low Power Mode នៅក្នុង Settings នឹងជួយ Save ថ្មប្រើបានយូរជាងមុន
ជាធម្មតាទេ រាល់ម្ចាស់ iPhone ទាំងឡាយប្រាកដជាចង់ឱ្យទូរស័ព្ទខ្លួនកាន់ថ្មបានយូរ ហើយគេក៏មានវិធីសាស្ត្រផ្សេងៗដើម្បីបន្ថយតម្រូវការប្រើប្រាស់ថាមពល ដើម្បីសន្សំសំចៃ។ ទំព័រនេះ យើងសូមបង្ហាញប្រិយមិត្តពីគន្លឹះងាយស្រួលមួយ ដើម្បីសន្សំសំចៃថ្មលើ iPhone បានមួយកម្រិត គឺដោយចូលទៅបើក Low Power Mode នៅក្នុង Settings ជាការស្រេច។
https://youtu.be/ghaj49Di9MY
ការបើកដំណើរការទម្រង់ Low Power Mode របស់ iPhone គឺវាអាចកាត់បន្ថយតម្រូវការប្រើប្រាស់ថាមពលថ្មបណ្ដោះអាសន្នបាន រហូតដល់ពេលមួយដែលអ្នកយកវាទៅសាកថ្មពេញវិញ ដូច្នេះវាជាមុខងារមានសារៈសំខាន់មួយនៅលើឧបករណ៍ iOS។ អ្នកប្រើខ្លះប្រហែលស្ទាត់នឹង Low Power Mode នេះ ហើយ Apple នឹងរំលឹក notification មួយបញ្ជាក់ថា ថ្មទូរស័ព្ទនៅសល់តិចត្រឹម ២០% ចុះក្រោម សួរថាតើអ្នកចង់បើក Low Power Mode នេះឬទេ។ ហើយតាមធម្មតា នៅពេលទូរស័ព្ទសាកថ្មដល់ ៨០% នោះ Low Power Mode នឹងបិទដោយស្វ័យប្រវត្តិ។
