ទូរស័ព្ទស៊េរីថ្មីរបស់ក្រុមហ៊ុន Vivo ម៉ូដែល Xplay 5 Elite នេះ ពិតជាមានរចនាបថស្រដៀង Galaxy S7 របស់ Samsung មែន។ ចំណុចលេចធ្លោនៅលើ Xplay 5 គឺមាន RAM ធំរហូតដល់ 6GB ដែលនាំឱ្យវាជាស្មាតហ្វូនមាន RAM ធំបំផុតលើពិភពលោក។ ចំណែក Galaxy S7 Edge មាន RAM ត្រឹមតែ 4GB ប៉ុណ្ណោះ។
Vivo Xplay 5 សឹងថា ជាទូរស័ព្ទមាន RAM 6GB ធំជាងកុំព្យូទ័រខ្លះទៅទៀត។ ក្រៅពីមាន អេក្រង់កោងបញ្ឆិតសងខាងដូច Galaxy S7 Edge ស្មាតហ្វូន Xplay 5 Elite បានភ្ជាប់មកជាមួយអេក្រង់ ៥,៤៣អ៊ីញ ប្រភេទ Super AMOLED Quad HD ត្រូវបានបំពាក់ឈីប Snapdragon 820 និងមានមេម៉ូរីម៉ាស៊ីន 128GB (គ្មានរន្ធបន្ថែម memory)។
Xplay 5 Elite មានកាមេរ៉ាក្រោយ 16MP (បច្ចេកវិទ្យា Sony IMX298) ជាមួយមុខងារ phase-detection AF និង dual-tone LED Flash។ ចំណែកកាមេរ៉ាមុខ 8MP សម្រាប់ថត selfie បានច្បាស់ល្អ។ Xplay 5 Elite ជាទូរស័ព្ទស៊ីម២ គាំទ្រប្រព័ន្ធ LTE, Hi-Fi 3.0 មានកម្រិតថ្ម 3600mAh។ លើសពីនេះ Xplay 5 Elite នេះមានបំពាក់មុខងារស្កេនក្រយៅដៃ Fingerprint scanner នៅផ្នែកខាងខ្នង។ Xplay 5 Elite ដំណើរការដោយប្រព័ន្ធ Android 5.1 Lollipop, បំពាក់សូហ្វ៊ែរ UI ចុងក្រោយ Funtouch Launcher ជាមួយមុខងារចែកអេក្រង់ (split-screen multitasking)។
Xplay 5 Elite នឹងមានលើកលើទីផ្សារប្រទេសចិនមុនគេ ចាប់ពីថ្ងៃទី៨ មីនានេះ ក្នុងតម្លៃប្រហែល ៦៥៥ដុល្លារអាមេរិក៕
ប្រែសម្រួល៖ រឹទ្ធិរាជ
ប្រភព៖ phonearena
