នៅក្នុងការប្រារព្ធខួប ១០០ឆ្នាំរបស់ BMW ក្រុមហ៊ុនរថយន្តអាល្លឺម៉ង់នេះបានបញ្ចេញគំរូរថយន្តយ៉ាងប្រណិត ស្អាតទាន់សម័យមានឈ្មោះថា Vision Vehicle ដែលមានការឌីហ្សាញរូបរាងស័ក្ដិសមជារថយន្តសម្រាប់អនាគត។
មិនដូចជាគំរូរថយន្តកន្លងទៅនោះទេ Vision Vehicle នេះ មានលក្ខណៈ ពិសេសខុសប្លែកពីគេ នៅត្រង់វានឹងបំពាក់បរិក្ខារទំនើបៗដែលរថយន្តបច្ចុប្បន្នអាចពុំមានដូច ហើយក៏មានរចនាបថស្អាតប្លែកពីរថយន្តបច្ចុប្បន្នដែរ។ កាន់តែពិសេសនោះ រថយន្តថែមទាំងនឹងមានមុខងារ Boost និង Ease ដែលអាចផ្លាស់ប្ដូរពីរថយន្តបញ្ជាដោយមនុស្ស ទៅជារថយន្តបើកបរដោយស្វ័យប្រវត្តិ Self-drving បានទៀត។
ចំណែកមុខងារផ្សេងទៀតមានឈ្មោះ Alive Geometry ដែលនឹងក្រើនរំលឹកអ្នកបើក ឱ្យដឹងពីឧបសគ្គផ្សេងៗនៅខាងមុខ ទាំងការឧបសគ្គនៅមួយកន្លែង និងឧបសគ្គដែលកម្រើកបាន (មានដូចជាកង់ ម៉ូតូ ឡាន …) ហើយបង្ហាញចេញនៅលើផ្ទៃអេក្រង់រថយន្តច្បាស់ៗ។
https://youtu.be/mQZgxr7AiU4
ខណៈពេលនេះ ក្រុមហ៊ុនពុំទាន់មានគម្រោងចេញលក់រថយន្តអស្ចារ្យនេះក្ដី តែ BMW បានបង្កើតទំព័រវែបសាយដើម្បីមើលព័ត៌មានលំអិតពីលក្ខណៈរបស់ Vision Vehicel នេះ។ សូមចូលទៅកាន់ http://www.next100.bmw/en/index.html។
គំរូរថយន្តនេះ នឹងត្រូវតាំងបង្ហាញជាសាធារណៈនៅពិព័រណ៍ក្នុងប្រទេសចិន នៅខែឧសភាខាងមុខ ហើយនៅទីក្រុង London នៅខែមិថុនា ហើយនៅអាមេរិកនៅខែតុលាខាងមុខ៕
