​Galaxy S7 និង S7 edge ​បច្ចុប្បន្ន​បាន​ឈរ​ឈ្មោះ​ក្នុង​ចំណោម​ស្មាតហ្វូន​កំពូល​ប្រចាំ​ឆ្នាំ២០១៦។ ស្មាតហ្វូន​ទាំងពីរ​នេះ ​ត្រូវ​បាន Samsung ​កែលំអ​រឹតតែ​ទំនើប ដំណើរការ​លឿន​ជាង​ជំនាន់ Galaxy S6 ឆ្នាំ​ទៅ។ ចំណែក​ពេល​នេះ ក្រុមហ៊ុន​ទូរគមនាគមន៍​អាមេរិក AT&T នឹង​លក់​ជូន​អតិថិជន Galaxy S7 មួយ​គ្រឿង​តម្លៃ​តែ ៦៥០ដុល្លារ ក្នុង​បំណង​ដើម្បី​អន្ទង​ចិត្ត​អតិថិជន​ឱ្យ​ផ្លាស់ប្ដូរ​ពី​ប្រព័ន្ធ​ទូរស័ព្ទ​ផ្សេង​ មក​ប្រើប្រាស់​ប្រព័ន្ធ​ទូរស័ព្ទ​របស់​ខ្លួន​វិញ។

ចាប់ពី​ថ្ងៃ​នេះ ដល់​ថ្ងៃ​ទី៣១ ខែ​មីនា ក្រុមហ៊ុន AT&T ​នឹង​ដាក់​លក់ Galaxy S7 ​ក្នុង​តម្លៃ​ធូរ​ថ្លៃ​តែ ៦៥០ដុល្លារ។ ដើម្បី​ទទួល​យក​កម្មវិធី​ប្រូមូសិន​នេះ អតិថិជន​ត្រូវ​ប្រើ​សេវាកម្ម និង​ទិញ​ទូរស័ព្ទ​ដែល​មាន​ជាប់​គម្រោង​សេវាកម្ម​ប្រចាំ​ខែ​របស់​ក្រុមហ៊ុន ព្រមទាំង​លេខ​ទូរស័ព្ទ។ ក្រុមហ៊ុន AT&T នេះ​ថែមទាំង​មាន​ប្រូមូសិន​ទិញ​ Galaxy S7/S7 edge មួយ​ថែម​ជូន​មួយ (BOGO) ​ផង​ដែរ។​ ​ពុំ​ចាំបាច់​មាន​លេខ​កូដ​ដើម្បី​ទទួល​យក​ប្រូមូសិន BOGO អ្វី​នោះ​ទេ គឺ​អ្នក​គ្រាន់តែ​ចូល​ទៅ​តាម Link នេះ ដើម្បី​ចាប់​ផ្ដើម​ចុះ​ឈ្មោះ​ជា​ការ​ស្រេច។ AT&T និយាយ​ថា ​ការ​ផ្ដល់​ជូន​នេះ គឺ​ល្អ​ចំពោះ​ទាំង​អតិថិជន​ថ្មី និង​អតិថិជន​ចាស់​របស់​ក្រុមហ៊ុន។ ​សូម​បញ្ជាក់​ថា ចំណែក​ក្រុមហ៊ុន Samsung ក៏​មាន​ប្រូមូសិន​ពិសេស ដោយ​អតិថិជន​ទិញ Galaxy S7 នឹង​ទទួល​បាន Gear VR ដោយ​ឥត​គិត​ថ្លៃ ប៉ុន្តែ​រយៈពេល​មាន​កំណត់៕