៥ មុខងារល្អបំផុតនៅលើទូរស័ព្ទ Galaxy S7 edge ដែលអ្នកខ្លះមិនទាន់ដឹងអស់
ស្មាតហ្វូនទំនើបថ្មីរបស់ Samsung Galaxy S7 edge បន្ទាប់ពីទទួលបានការធ្វើតេស្ត និងប្រើប្រាស់ដោយអតិថិជនរួចមក មានការលើកសរសើរថាអស្ចារ្យ ពិសេសគឺមានលក្ខណៈសម្បត្តិ hardware ខ្ពស់ៗ ដែលធ្វើឲ្យវាត្រូវបានគេដាក់ឈ្មោះថា កំពូលស្មាតហ្វូន Android នាពេលបច្ចុប្បន្ន។ ចុះតើ Galaxy S edge នេះមានលក្ខណៈ សម្បត្តិអស្ចារ្យអ្វីខ្លះ? តោះទស្សនាវីដេអូខាងក្រោមនេះ ដើម្បីស្វែងយល់ពីមុខងារល្អបំផុតទាំង ៥ នៅលើ Galaxy S7 edge៖
https://youtu.be/jFzTgdhRlac
-លក្ខណៈ ពិសេសទី១៖ កាមេរ៉ា Galaxy S7 Edge ត្រូវបានក្រុមហ៊ុន Samsung យ៉ាងមានគុណភាព និងដំណើរការថត Focus រូបបានយ៉ាងរហ័ស។ Galaxy S7 ទាំងពីរត្រូវបានក្រុមហ៊ុនបំពាក់បច្ចេកវិទ្យា Dual Pixel ដែលធ្វើឱ្យគុណភាពរូបកាន់តែច្បាស់ ហើយក៏អូតូចាប់រូប Focus ដោយស្វ័យប្រវត្តិបានរហ័ស។
-លក្ខណៈ ពិសេសទី២៖ ជាកម្រិតថាមពលថ្មនៅលើ S7 edge។ ក្រុមហ៊ុន Samsung បានបន្ថែមថាមពលថ្មនៅលើ S7 edge ធំជាងមុន ដែលនាំឱ្យការប្រើប្រាស់បានកាន់តែយូរ។
-លក្ខណៈពិសេសទី៣៖ អំពីរូបរាងឌីហ្សាញនៅលើ Galaxy S7 edge ត្រូវបានរចនា ដោយផ្ដល់អារម្មណ៍ស្រណុកចិត្តដល់អ្នកប្រើ នៅពេលចាប់កាន់ម្ដង។ ម្យ៉ាងទៀតអេក្រង់វាមានលក្ខណៈ កោងបញ្ឆិតយ៉ាងពិសេសអាចបង្ហាញរាល់ Notification ផ្សេងៗ។ លើសពីនេះតួរបស់ S7 edge ត្រូវបានរចនាស្រោបដោយកញ្ចក់ដែលទទួលបានអារម្មណ៍ផាសុកភាព និងរក្សារូបរាងឱ្យនៅថ្មីបានយូរ។
-លក្ខណៈ ពិសេសទី៤៖ គឺនៅលើសូហ្វ៊ែរ ដែលជា Game Launcher។ Game Launcher នឹងផ្ដល់ភាពងាយស្រួលរៀបចំ និងកំណត់លក្ខណៈ ហ្គេមទូរស័ព្ទរបស់អ្នកយ៉ាងជំនាញ។ នៅក្នុង Game Launcher គេអាចកំណត់លក្ខណៈ ៥យ៉ាងដូចជា បិទមិនឱ្យមាន Alert អំឡុងពេលលេងហ្គេម (No alerts during game), Lock recents and Back keys, Minimize game, Screenshot និង Record ជាដើម។
-លក្ខណៈពិសេសទី៥៖ មុខងារ Always On display ដែលអាចបង្ហាញម៉ោងពេល កាលបរិច្ឆេទ ក៏ដូចជារូបថតរបស់លោកអ្នក ទោះបីអេក្រង់ទូរស័ព្ទត្រូវបានចាក់សោហើយក៏ដោយ។ ដូចនេះ អ្នកនឹងងាយស្រួលមើលម៉ោងបាន ដោយមិនចាំបាច់ចុចបើកសោទូរស័ព្ទដូចមិនទេ។ មុខងារនេះ នឹងមិនធ្វើឱ្យរំខានដល់អ្នកនៅជុំវិញដោយសារការចង់មើលម៉ោង ត្រូវបើកសោទូរស័ព្ទ ដែលបណ្ដាឱ្យពន្លឺបាចសាចចាំងភ្នែកអ្នកនៅជុំវិញដូចមុននោះទេ៕
ដោយ៖ រឹទ្ធិរាជ
ប្រភព៖ techspot
