ម្ចាស់ iPad រាយការណ៍ថា មានបញ្ហាលើការ Activate ថេប្លេតខ្លួនបន្ទាប់ពីអាប់ដេតដល់ iOS 9.3
ថ្មីៗនេះមានសេចក្ដីរាយការណ៍ពីបណ្ដាម្ចាស់ iPad មួយចំនួនថា ក្រោយពីពួកគេធ្វើបច្ចុប្បន្នភាពសូហ្វ៊ែរឡើងទៅប្រព័ន្ធប្រតិបត្តិការ iOS 9.3 រួចមក គឺជួបបញ្ហា មិនអាចធ្វើការ Activate ថេប្លេតបាន។ បញ្ហានេះ កើតឡើងបន្ទាប់ពីអ្នកប្រើ iPad ធ្វើការអាប់ដេត iOS 9.3 តាមវែបសាយគាំទ្រ (support website) របស់ក្រុមហ៊ុន Apple។
ក្រុមហ៊ុន Apple បានដាក់ចេញប្រព័ន្ធប្រតិបត្តិការ iOS 9.3 អនុញ្ញាតឱ្យបណ្ដាអតិថិជនធ្វើបច្ចុប្បន្នភាពបានតាំងពីដើមសប្ដាហ៍នេះម្ល៉េះ។ បច្ចុប្បន្នភាពសូហ្វ៊ែរថ្មីនឹងនាំមកជូននូវមុខងារថ្មីៗបន្ថែមពីលើ iOS ជំនាន់មុន ហើយអតិថិជនក៏មានការសប្បាយរីករាយជាមួយប្រព័ន្ធថ្មីនេះដែរ។ យ៉ាងណា ពេលនេះគេបានរាយការណ៍ថា iPad មួយចំនួនបន្ទាប់ពីបានអាប់ដេត iOS 9.3 នេះរួច គឺមិនអាច Activate ប្រើថេប្លេតបានឡើយ។
