នេះជាពាក្យសម្ដីដ៏គួរឱ្យខ្លាចបំផុតរបស់លោក Donald Trump អំពីសង្គ្រាមនុយក្លេអ៊ែរ
នេះអាចជាពាក្យសម្ដីដ៏គួរឱ្យខ្លាច និងគួរឱ្យបារម្ភបំផុតសម្រាប់សហគមន៍អន្តរជាតិចំពោះការថ្លែងរបស់លោក Donald Trump កាលពីពេលថ្មីៗ។ ការថ្លែងរបស់លោក គឺអំពីសង្គ្រាមនុយក្លេអ៊ែររវាងប្រទេសជប៉ុន និងកូរ៉េខាងជើង។
លោកបានលើកឡើងដូច្នេះថា បើសង្គ្រាមនុយក្លេអ៊ែររវាងប្រទេសទាំងពីរផ្ទុះឡើង វាប្រាកដជាអាក្រក់ ប៉ុន្តែលោកថា នឹងកើតឡើងតែមួយពព្រិចភ្នែកតែប៉ុណ្ណោះ។ ថ្លែងក្នុងពេលដែលលោកទៅឃោសនានៅ Wisconsin លោកត្រាំថែមទាំងលើកឡើងទៀតថា ជប៉ុនគួរតែប្រើអាវុធនុយក្លេអ៊ែរដើម្បីទប់ទល់នឹងកូរ៉េខាងជើងជាជាងការពឹងពាក់មកលើកម្លាំងរបស់សហរដ្ឋអាមេរិក។ លោកថ្លែងដូច្នេះ ៖«និយាយដោយត្រង់ ករណីនេះគឺថាគួរឱ្យគេ (ជប៉ុន)ការងារខ្លួនគេដើម្បីទប់ទល់នឹងកូរ៉េខាងជើង។ គេ (ជប៉ុន)នឹងកម្ទេចកូរ៉េខាងជើងឱ្យទៅជាផេះតែមួយពព្រិចភ្នែក»៕
ដោយ៖ រតនៈវិភូ
