ឡាន​​ដឹក​ទំនិញ​និនចា​ត្រៀម​វាយ​លុក​​ទីផ្សារ​អាស៊ីអាគ្នេយ៍​



ក្រុមហ៊ុន​ដែល​ទើប​នឹង​បង្កើត​ថ្មី​មួយ​មាន​ឈ្មោះ​ថា​ ​ឡាន​និន​ចា​​​ (Ninja Van) ​បាន​ប្រកាស​​នៅ​ថ្ងៃ​នេះ​ថា​ ​ខ្លួន​នឹង​ស្វែង​រក​ថវិកា​គាំទ្រ​ប្រមាណ​ ៣០​លាន​ដុល្លារ​អាមេរិក​ដើម្បី​ផលិត​រថយន្ត​ប្រភេទ​ B របស់​ខ្លួន។ ​ការ​ស្វែង​រក​ថវិកា​ នេះ​គឺ​​ធ្វើ​ឡើង​ដោយ​អ្នក​វិនិយោគ​ទីផ្សារ​ភាគហ៊ុន​អន្តរជាតិ​ម្នាក់​​ដែល​ប្រតិបត្តិការ​នៅ​អាហ្វ្រិក​ អាមេរិក​ឡាទីន​ ​មជ្ឈិមបូព៌ា​ និង​ទួរគី។ ​​ក្រុមហ៊ុន​វិនិយោគ​ធំ​ៗ​ចំនួន​ បី​ គឺ​ Monk's Hill, B Capital Group និង​ Yahoo Japan Capital ​បាន​ចាប់​ដៃ​គ្នា​បោះ​ទុន​វិនិយោគ​គម្រោង​ផលិត​រថយន្ត​និនចា​នេះ។ ​តាម​​ការ​ឱ្យ​ដឹង​​ពី​ប្រភព​អន្តរជាតិ​មួយ​ ទីផ្សារ​រថយន្ត​និនចា​នេះ​ នឹង​វាយ​​លុក​ទីផ្សារ​នៅ​អាស៊ី​អាគ្នេយ៍​​​ទាំង​មូល​​ ក្នុង​នោះ​មាន​​ ថៃ​ វៀតណាម​ និង​ហ្វីលីពីន​​ផង​ដែរ។ ក្រុមហ៊ុន​រថយន្ត​និនចា​នេះ​ ​បាន​ដាក់​ដំណើរការ​នៅ​ប្រទេស​ម៉ាឡេស៊ី​ ​មិន​ទាន់​បាន​មួយ​​ខែ​​ទេ​ ហើយ​បាន​បើក​ដំណើរការ​​នៅ​ឥណ្ឌូណេស៊ី​កាល​ពី​មួយ​រយៈ​មុន។ ​ក្រុមហ៊ុន​នេះ​ បាន​ផ្ដល់​សេវា​ដល់​​អតិថិជន​​ ៣០០០​នាក់​ និង​​បាន​ដឹក​ទំនិញ​ប្រមាណ​ ១៥០០០​ជើង​ក្នុង​មួយ​ថ្ងៃ​ដល់​អតិថិជន​នៅ​សិង្ហបុរី​ ​ម៉ាឡេស៊ី​ និង​ឥណ្ឌូណេស៊ី៕ ដោយ៖ រតនៈវិភូ