រឿងមួយចំនួន ដែលអ្នកមិនគួរធ្វើ ប្រសិនបើទៅេលេងនៅប្រទេសជប៉ុន
នៅពេលដែលអ្នកទៅដើរលេងនៅប្រទេសជប៉ុនអ្នកប្រហែលជាផ្ដោតតែលើការសប្បាយនិងស្គាល់វប្បធម៌ថ្មីៗរបស់ជាតិសាសន៍គេ។ ទន្ទឹមនឹងនោះដែរ អ្នកក៏គួរតែប្រយ័ត្នប្រយែងចំពោះរឿងមួយចំនួនដូចខាងក្រោម៖
១) ហាមឲ្យលុយក្រៅ(Tips)៖ នៅប្រទេសអ្នក អ្នកប្រហែលជាគិតថាវាមិនអីតែសម្រាប់ប្រទេសជប៉ុននៅពេលដែលអ្នកឲ្យលុយក្រៅទៅអ្នករត់តុបានន័យថាអ្នកចង់ឲ្យពួកគេធ្វើឲ្យបានល្អជាងនេះនៅលើកក្រោយ។
២) ហាមពាក់ស្បែកជើងចូលផ្ទះ៖ អ្នកមិនអាចពាក់ស្បែកជើងចូលផ្ទះអ្នកណាបានទេ នេះបើយោងតាមប្រពៃណីរបស់ជនជាតិជប៉ុន។
៣) មិនគួរញាំបណ្ដើរដើរបណ្ដើរនោះទេ៖ ប្រទេសជប៉ុនមិនមានទម្លាប់ដូចជនជាតិខាងប៉ែកអឺរ៉ុបនោះទេ ហើយអ្នកត្រូវចាំថាអ្នកក៏មិនត្រូវយកអាហារទៅញាំនៅក្នុងរថភ្លើងបានដែរ។
៤) មិនគួរអោបគ្នាដើម្បីទុកជាការស្វាគមន៍ទេ៖ មូលហេតុនោះគឺជនជាតិជប៉ុនមានអារម្មណ៍ថាមិនស្រណុកក្នុងខ្លួននៅពេលដែលអ្នកឱបពួកគេជាលើកដំបូង។
៥) ហាមនិយាយទូរស័ព្ទនៅលើរថភ្លើងឬឡានក្រុង៖ វាត្រូវបានគេចាត់ទុកថាជាមនុស្សឈ្លើយម្នាក់ប្រសិនបើអ្នកលើកទូរស័ព្ទព្រោះថាវាអាចក្លាយជាការរំខានដ៏ខ្លាំងសម្រាប់អ្នករួមដំណើរជាមួយគ្នា។
ប្រែសម្រួល៖ តូច ម៉ាយ៉ារស្មី
ប្រភព៖ www.whenonearth.net
