​ក្រុម​​​អ្នក​វិភាគ​៖ មីស៊ីល​ថ្មី​របស់​ចិន​អាច​បាញ់​ដល់​អាមេរិក​​ក្នុង​រយៈ​ពេល​តែ​ ៣០​នាទី​



​​យោង​តាម​សេចក្ដី​រាយការណ៍​​របស់​សារព័ត៌មាន​ចិន​ ​South China Morning Post ​បាន​​​ឱ្យ​ដឹង​ថា​ ​ មីស៊ីល​​របស់​ចិន​ DF-14 ​ត្រូវ​បាន​ពិពណ៌នា​ថា​ ជា​មីស៊ីល​ដែល​​បាញ់​បាន​ចម្ងាយ​ឆ្ងាយ​ជាង​គេ​​ក្នុង​លោក​ដែល​អាច​បាញ់​ដល់​ទឹក​ដី​អាមេរិក​​ពី​កន្លែង​ណា​ក៏​បាន​​នៃ​ប្រទេស​ចិន​ ហើយ​មីស៊ីល​នេះ​​នឹង​ផលិត​​ចប់​សព្វ​គ្រប់​នៅ​​ចុង​ឆ្នាំ​២០១៦​នេះ។ ​​​លោក​ Richard Fisher ​អ្នក​វិភាគ​ជាន់​ខ្ពស់​​ប្រចាំ​នៅ​​មជ្ឈមណ្ឌល​វាយ​តម្លៃ​​​អន្តរជាតិ​ និង​យុទ្ធសាស្ត្រ​ប្រចាំ​នៅ​ទីក្រុង​ Washington ​​បាន​ថ្លែង​ថា​ «​ផ្អែក​ទៅ​តាម​ចំនួន​នៃ​ការ​បាញ់​សាកល្បង​ពិត​ប្រាកដ​ គឺ​ពិត​ជា​សមហេតុ​ផល​ដែល​ថា​ មីស៊ីល​ថ្មី នេះ​​នឹង​ដាក់​​ពង្រាយ​​តាម​មូលដ្ឋាន​​កង​កម្លាំង​បាញ់​រ៉ុកកែត​​យុទ្ធសាស្ត្រ​នៃ​កង​ទ័ព​​រំដោះ​ប្រជាជន​ចិន​នៅ​ឆ្នាំ ២០១៦​ នេះ»។ ​ក្រុម​អ្នក​វិភាគ​​​មួយ​ចំនួន​​ ​ទៀត​បាន​លើក​ឡើង​ថ​ ​មីស៊ីល​នេះ​អាច​បាញ់​បង្ហោះ​កាត់​តាម​ប៉ូល​​​ខាង​ជើង​​​ ​ទៅ​ដល់​សហរដ្ឋ​អាមេរិក​រយៈ​ពេល​តែ​ ៣០​នាទី​ប៉ុណ្ណោះ។ ​បើ​និយាយ​ពី​ល្បឿន​វិញ​ គ្រាប់​មីស៊ីល​ថ្មី​នេះ​​មាន​ល្បឿន​លឿន​ជាង​សំឡេង​ ឬ​​កម្រិត​លើ​ Mach 5 របស់​សហរដ្ឋ​អាមេរិក។ សូម​បញ្ជាក់​ថា​ គ្រាប់​មីស៊ីល​ថ្មី​នេះ​អាច​បាញ់​បាន​ចម្ងាយ​ប្រមាណ​ ១៥០០០​គីឡូម៉ែត្រ៕​ ដោយ៖ រតនៈវិភូ​