សំណួរ​ទាំង​៤​​ដែល​អ្នក​ត្រូវ​សួរ​ខ្លួន​ឯង​ពេលមានអារម្មណ៍​កើតទុក្ខ​ ដើម្បីឲ្យធូរស្រាលឡើងវិញ​



អ្នក​មិន​អាច​ជៀស​ផុត​រួច​ពី​សេចក្ដី​ក្រៀមក្រំ​ចិត្ត​នោះ​ទេ។ មនុស្ស​​ចំនួន​៣៥០​លាន​នាក់​ទូទាំង​ពិភពលោក​ក្លាយ​ទៅ​ជា​មនុស្ស​ដែល​អសមត្ថភាព​​​ដោយ​សារ​តែ​ភាព​ក្រៀមក្រំ​ចិត្ត​នេះ​បាន​ក្រប​ដណ្ដប់។ តើ​មាន​វិធីសាស្ត្រ​ណា​ក្នុង​ការ​លុប​បំបាត់​បញ្ហា​នេះ? ១) ត្រូវ​សួរ​ខ្លួន​ឯង​ថា​វា​ជា​រឿង​ពិត​ឬ​ទេ៖​ នៅ​ពេល​អ្នក​តូច​ចិត្ត​នឹង​ខ្លួន​ឯង​ដែល​ធ្វើ​អ្វី​មិន​បាន​សម្រេច អ្នក​មាន​ដែល​សួរ​ខ្លួន​ឯង​ទេ​ថា​ វា​អាច​ជា​រឿង​ពិត​ឬ​មិន​ពិត? អ្នក​មិន​អាច​ធ្វើ​រឿង​នោះ​ជោគជ័យ​មែន​​​​ ​ តែ​មិន​ប្រាកដ​ថា​ថ្ងៃ​មុខ ​អ្នក​មិន​អាច​ធ្វើ​វា​បាន​ទៀត​ឯណា។ ២) សួរ​ខ្លួន​ឯង​អោយ​កាន់​តែ​ច្បាស់​ថែម​ទៀត​៖ ពេល​ដែល​អ្នក​គិត​ហើយ​គិត​ទៀត​ថា​ អ្នក​គ្មាន​ថ្ងៃ​សម្រេច​បាន​ជោគជ័យ​ទេ អ្នក​ត្រូវ​ព្យាយាម​សួរ​ខ្លួន​ឯង​អោយ​កាន់​តែ​ច្រើន​ដង​ទៀត ថា​ទោះ​បី​អ្នក​ខំ​អស់​លទ្ធភាព​ហើយ​​មិន​អាច​ជោគជ័យ​​ តែ​អ្នក​ក៏​មាន​ថ្ងៃ​ខ្លះ​ល្អ​និង​អាក្រក់​ផង​ដែរ។ ៣) សួរ​ខ្លួន​ឯង​ថា​តើ​អ្នក​មាន​អារម្មណ៍​យ៉ាង​ណា​ពេល​ពិបាក​ចិត្ត៖ អ្នក​ត្រូវ​សួរ​ខ្លួន​ឯង​ថា​ការ​ក្រៀមក្រំ​ចិត្ត​នេះ​ធ្វើ​អោយ​អារម្មណ៍​​សប្បាយ​ឬ​កើត​ទុក្ខ​? អ្នក​ត្រូវ​គិត​ថា​ជីវិត​មនុស្ស​ត្រូវ​តែ​សប្បាយ​ ​ប្រសិន​បើ​អ្នក​ចំណាយ​ពេល​ច្រើន​ក្នុង​ការ​គិត​រឿង​គ្មាន​ប្រយោជន៍​អ្នក​នឹង​ដើរ​លើ​ផ្លូវ​មួយ​ដែល​ខុស​ហើយ។ ៤) ​សួរ​ខ្លួន​ឯង​ថា​ប្រសិន​បើ​អ្នក​ពិបាក​ចិត្ត​បែប​នេះ​តើ​នឹង​មាន​អ្វី​កើត​ឡើង​ទៅ៖ ការ​សួរ​បែប​នេះ​ក៏​អាច​បង្វែង​អារម្មណ៍​អ្នក​អោយ​ចាកចេញ​ពី​ភាព​ក្រៀមក្រំ​នោះ​បាន​ផង​ដែរ៕ ប្រែ​សម្រួល៖ ព្រំ សុវណ្ណកណ្ណិកា ប្រភព៖ www.powerofpositivity.com