អង់គ្លេសព្រមានពីការចាកចេញពីសហភាពអឺរ៉ុប
នាយករដ្ឋមន្ត្រីចក្រភពអង់គ្លេសលោក David Cameron នឹងធ្វើការព្រមានធ្ងន់ធ្ងរនៅសប្ដាហ៍នេះ អំពីការគាំទ្ររបស់លោកចំពោះចក្រភពអង់គ្លេសដកខ្លួនចេញពីសមាជិកសហភាពអឺរ៉ុបប្រសិនបើមេដឹកនាំអឺរ៉ុបផ្សេងទៀតមិនយល់ស្របតាមសំណើកំណែទម្រង់សហគមន៍មួយនេះនោះទេ។
លោក Cameron បានថ្លែងកាលពីពេលថ្មីៗនេះថា ប្រសិនបើគ្មានដំណោះស្រាយឈានដល់កិច្ចព្រមព្រៀងនោះទេ លោកនឹងគាំទ្រដល់ចក្រភពអង់គ្លេសចាកចេញពីសមាគមន៍នេះ នៅពេលប្រជាមតិមួយនឹងត្រូវធ្វើឡើងនៅមុនដំណាច់ឆ្នាំ២០១៧។ ចក្រភពអង់គ្លេសមានសំណើមួយចំនួនដែលទាមទារឱ្យមានកំណែទម្រង់ដូចជាលក្ខខណ្ឌនៃការចូលជាសមាជិក ការគិតគូរពីអត្ថប្រយោជន៍សម្រាប់ជនអន្តោប្រវេសន៍ និងបញ្ហាមួយចំនួនទៀត។ សូមបញ្ជាក់ថា ចក្រភពអង់គ្លេសបានចូលជាសមាជិកសហភាពអឺរ៉ុបកាលពីឆ្នាំ១៩៧៣ ខណៈបច្ចុប្បន្នសហភាពអឺរ៉ុបមានសមាជិកសរុប ២៨ប្រទេស៕
ដោយ៖ រតនៈវិភូ
