សាកល្បង​ការ​កម្សាន្ត​ទាំង៥​​នេះ​ ​ដើម្បី​​​ជួយ​ឲ្យ​អ្នក​កាន់​តែ​​ឆ្លាតវៃ​ជាង​មុន​



មនុស្សយើងតែងយល់ឃើញថា យើងមិនអាចពង្រឹងខួរក្បាលរបស់យើងអោយឆ្លាតជាងមុនទេ ព្រោះអ្វីៗពឹងលើធម្មជាតិដែលផ្តល់ឲ្យពីកំណើត។   តែ​ទាំងនេះសុទ្ធតែមិនពិត។ ខាងក្រោមនេះគឺជាការកម្សាន្តមួយចំនួន ដែលអាចជួយអ្នកអោយកាន់ឆ្លាតជាងមុន៖ ១) លេងឧបករណ៍តន្ត្រី៖  តន្ត្រីជួយសម្រួយអោយមនុស្សមានការសប្បាយ។ តន្ត្រីរំញោចខួរក្បាលរបស់អ្នក ហើយនេះត្រូវបានបង្ហាញ ដោយការស្រាវជ្រាវរបស់អ្នកវិទ្យាសាស្រ្តផងដែរ។ ទាំងការស្តាប់តន្ត្រី និងលេងឧបករណ៍ភ្លេងអាចបង្កើនសមត្ថភាពចងចាំដល់ខួរក្បាល។ ២) ការអាន ៖  ការអានជួយបង្កើនភាពវៃឆ្លាតរបស់ខួរក្បាល។​ ការអានជួយកាត់បន្ថយភាពតានតឹង ជួយអោយអ្នកស្គាល់ខ្លួនឯង។ កត្តាទាំងអស់នេះ ជួយអ្នកឱ្យមានអារម្មណ៍ល្អប្រសើរជាងមុន។ ៣) ការធ្វើសមាធិ ៖ អត្ថប្រយោជន៍សំខាន់ជាងគេនៃការធ្វើសមាធិគឺជួយអោយអ្នកផ្តោតសំខាន់លើខ្លួនឯង និង អោយអ្នកស្គាល់ខ្លួនអ្នកអោយកាន់តែខ្លាំង។ ការតាំងសមាធិជួយកាត់បន្ថយស្ត្រេសនិង ត្រូវបានបំបាត់ការព្រួយបារម្ភ។ តាមរយៈ ការធ្វើសមាធិ អ្នកអាចរៀនគិតនិង រៀបចំផែនការអោយកាន់តែមានប្រសិទ្ធភាព។ ៤)ធ្វើលំហាត់ខួរក្បាល ៖  ដូចដែលអ្នកបានដឹងហើយថា ដើម្បីបានរាងស្អាត អ្នកត្រូវហាត់ប្រាណ ដូចគ្នាទៅនឹងខួរក្បាលដែរ​។ អ្នកត្រូវប្រើខួរក្បាលអោយបានច្រើន ដើម្បីពង្រឹងភាពវ័យឆ្លាតរបស់អ្នក។ អ្នកអាចធ្វើលំហាត់ខួរក្បាលបានតាមច្រើនវិធី ដូចជា ការល្បែងផ្គុំរូប និងការដោះប្រស្នាជាដើម។ ៥)ដំណើរកម្សាន្ត៖  ដំណើរកម្សាន្តមិនមែនគ្រាន់តែជាវិធីដើម្បីបំបាត់ភាពអស្សុកនោះទេ ។ ដំណើរកម្សាន្តពិតជាអាចបង្កើនភាពឆ្លាតវៃរបស់អ្នក។​  កន្លែងថ្មីដែលអ្នកធ្វើដំណើរតែងតែផ្តល់នូវអ្វីថ្មីដែលអ្នកអាចរៀនបានដូចជា ម្ហូបអាហារ វប្បធម៌ របៀបរស់នៅ និងសង្គមជាដើម ដែលពីមុនអ្នកមិនដែលដឹងសោះ។ ប្រែសម្រួល​៖​​ អឺុង​មួយ​យូ ប្រភព​ ៖ www.lifehack.org