តើ​អ្នក​អាច​ដឹង​អ្វី​ខ្លះ​ពី​​មិត្តភ័ក្ដិ​ដែល​មាន​ឆ្នាំ​កំណើត​ជា​​គោ​(Taurus) ?​



Taurus គឺ​ជា​ឆ្នាំ​មួយ​នៃ​Zodiac Sign ដែល​វា​តំណាង​អោយ​មនុស្ស​ទូទៅ​ដែល​មាន​ថ្ងៃ​កំណើត​ចាប់​ពី​ថ្ងៃ​ទី​២១​ខែ​មេសា​រហូត​ដល់​ថ្ងៃ​ទី​២១​ខែ​ឧសភា។ តើ​អ្នក​ចង់​ដឹង​ពី​បុគ្គល​ដែល​កើត​ចំ​ឆ្នាំ​នេះ​ទេ​ថា​តើ​ពួក​គេ​ជា​មនុស្ស​ដូចម្ដេច? ) ពួក​គេ​ជា​មនុស្ស​ស្មោះ​ត្រង់៖ ពួក​គេ​នឹង​មិន​ចាក​ចេញ​ពី​អ្នក​ដោយ​សារ​តែ​រឿង​តូចតាច​នោះ​ទេ។ ពួក​គេ​នឹង​នៅ​ទី​នោះ​សម្រាប់​ជួយ​លើក​ទឹក​ចិត្ត​​ ស្ដាប់​ពី​បញ្ហា​ដែល​មិត្តភ័ក្ដិ​មាន ផ្ដល់​កម្លាំង​ចិត្ត​និង​សេចក្ដី​ស្រលាញ់​ដែល​អ្នក​មិន​ធ្លាប់​មាន។ ) តែង​ទទួល​យក​មនុស្ស​គ្រប់​បែប​យ៉ាង៖ មនុស្ស​បែប​នេះ​ភាគ​ច្រើន​តែង​តែ​រាប់​អាន​អ្នក​ដោយ​មិន​គិត​ថា​ចង់​ផ្លាស់​ប្ដូរ​អ្នក​ដើម្បី​តម្រូវ​ចិត្ត​គេ​ទេ។ ពួក​គេ​អាច​ទទួល​យក​គ្រប់​បែប​យ៉ាង​មិន​ថា​កំហុស​ឬ​អ្វី​ផ្សេង​ទៀត​ក៏​ដោយ។ ) ពួក​គេ​នឹង​ធ្វើ​អោយ​អ្នក​មាន​​សុវត្ថិភាព​ជានិច្ច៖ ពួក​គេ​តែង​ចង់​អោយ​មិត្តភ័ក្ដិ​និង​ក្រុម គ្រួសារ​មាន​ការ​កក់​ក្ដៅ​តាម​តែ​អាច​ធ្វើ​ទៅ​បាន។ ) ​ ​ជា​មនុស្ស​ក្បាល​រឹង​ផង​ដែរ៖ វា​អាច​ជា​រឿង​ពិបាក​ក្នុង​ការ​មក​ផ្លាស់​ប្ដូរ​ផ្នត់​គំនិត​របស់​មនុស្ស​ប្រភេទ​នេះ។ ដោយ​សារ​តែ​គេ​ចូលចិត្ត​ជ្រើសរើស​ដើរ​លើ​ផ្លូវ​មួយ​ដោយ​ខ្លួន​ឯង ​ដូចនេះ​ ការ​ផ្លាស់​ប្ដូរ​​គំនិត​គេ​នោះ​ហាក់​ដូច​ជា​ពិបាក​បន្តិច​ហើយ។ ) ជា​មនុស្ស​ចិត្ត​រឹង​មាំ៖ គ្មាន​អ្វី​ដែល​អាច​មក​បំបាក់​ចិត្ត​របស់​មនុស្ស​ប្រភេទ​នេះ​បាន​ទេ។ ពួក​គេ​មាន​ចិត្ត​មោះមុត​ដែល​មិន​ងាយ​នឹង​បំបាក់​បាន ហើយ​តែង​តស៊ូ​ទោះ​បី​ឧបសគ្គ​យ៉ាង​ណា​ក៏​មិន​អាច​អោយ​គេ​ដក​ថយ​បាន​ដែរ៕ ប្រែ​សម្រួល៖ ព្រំ​​​ សុវណ្ណកណ្ណិកា ប្រភព៖​ www.powerofpositivity.com