សញ្ញាទាំង៥បញ្ជាក់ថាដៃគូស្នេហារបស់អ្នក គិតថាមានតែអ្នកម្នាក់គត់ដែលសំខាន់ក្នុងជីវិត
តើមានវិធីអ្វីដែលអាចបញ្ជាក់ថាអ្នកបានជួបមនុស្សដែលសំខាន់សម្រាប់ជីវិតអ្នកដែរឬទេ? តាមពិតទៅវាត្រូវការរយៈពេលយូរដើម្បីអោយវាស់ស្ទង់ថា តើពួកគេគឺជាមនុស្សតែម្នាក់គត់ដែលយើងនឹងត្រូវការសម្រាប់ថ្ងៃអនាគតឬយ៉ាងណា?
១) មនុស្សដែលមិនដែលផ្ដល់ភាពលំបាកដល់អ្នក៖ នេះជាសញ្ញាមួយដែលបញ្ជាក់ថាអ្នកកំពុងតែជួបស្នេហាពិត។ ពេលពួកគេមានបញ្ហាអ្វីមួយកើតឡើងពួកគេមិនខ្លាចនឹងបង្ហាញពីអារម្មណ៍ដែលមាននៅក្នុងចិត្តទៅកាន់អ្នកនោះទេ។
២) តែងតែចំណាយពេលវេលាច្រើនសម្រាប់អ្នក៖ មនុស្សដែលកំពុងតែងប់ងុលនឹងការស្រលាញ់នរណាម្នាក់ហើយ ពួកគេតែងតែប្រើប្រាស់ពេលវេលាជាច្រើនដើម្បីបាននៅជាមួយគ្នា។ ដែលការចំណាយពេលនៅជាមួយគ្នានេះនឹងបង្កើនទំនាក់ទំនងអោយកាន់តែជិតដិតរវាងគ្នានឹងគ្នា។
៣) តែងតែយល់ដឹងពីអ្វីដែលអ្នកចង់បាន៖ គេជាមនុស្សដែលតែងតែរៀនយល់ចិត្តអ្នកហើយដឹងមុនថាអ្នកចូលចិត្តធ្វើអ្វីនឹងមិនចូលចិត្តធ្វើអ្វី។ ប្រសិនបើគេអាចធ្វើអោយអ្នកមានអារម្មណ៍ថាមិនភ័យខ្លាចក្នុងការធ្វើអ្វីមួយ មនុស្សម្នាក់នោះនឹងមិនចាកចោលអ្នកទេ។
៤) បង្ហាញពីគម្រោងសម្រាប់ថ្ងៃអនាគតដល់អ្នក៖ ប្រសិនបើគេចេះបង្ហាញពីគំនិតនិងគម្រោងដែលកំពុងតែមាននោះទៅអ្នក វាអាចបញ្ជាក់ថាគេកំពុងតែចង់បានអ្នកមកធ្វើជាគូអនាគតហើយ។
៥) តែងនៅជាមួយអ្នកមិនថាឧបសគ្គយ៉ាងណា៖ ស្នេហាតែងតែមានឧបសគ្គជានិច្ច ហើយអ្នកនឹងមិនអាចគេចផុតពីវាបាននោះទេ។ ប្រសិនបើដៃគូស្នេហាម្នាក់នោះហ៊ានកាន់ដៃហើយមិនរុញរាក្នុងការដើរទៅមុខជាមួយអ្នក ប្រាកដណាស់អ្នកជាមនុស្សម្នាក់គត់ដែលគេចង់បាន៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ www.powerofpositivity.com
