ហេតុផល​ទាំង​៤​យ៉ាង​ដែល​​មនុស្ស​ប្រុស​សម្រេច​ចិត្ត​សុំ​បែក​ពី​មនុស្ស​ស្រី​​



ប្រសិន​បើ​អ្នក​ទើប​តែ​បែក​បាក់​ស្នេហា ​អ្នក​ប្រាកដ​ជា​ឆ្ងល់​ថា​មក​ពី​មូលហេតុ​អ្វី​ទើប​មនុស្ស​ប្រុស​ម្នាក់​នោះ​ជ្រើស​រើស​ផ្លូវ​ដូច្នេះ។ ​ ​វា​នៅ​មាន​ហេតុផល​ជា​ច្រើន​ដែល​គេ​សម្រេច​ចិត្ត​ដើរ​ផ្លូវ​នេះ​ ក្នុង​នោះ​រួម​មាន​៖ ១) ដោយ​សារ​តែ​មាន​សម្ពាធ​ខ្លាំង​​ពេក​៖ តើ​អ្នក​​​បាន​ផ្ដល់​ភាព​លំបាក​អ្វី​មួយ​ទៅ​ដល់​មិត្ត​ប្រុស​របស់​អ្នក​ទេ? ​មនុស្ស​ប្រុស​មិន​ចូល​ចិត្ត​ស្ថិត​នៅ​ក្នុង​​ស្ថានភាព​មួយ​ដែល​មាន​សម្ពាធ​ខ្លាំង​ពេក​ទេ ​ជា​ពិសេស​ជាមួយ​នឹង​នារី​ដែល​គេ​មាន​ចិត្ត​ថា​ចង់​យក​នាង​ធ្វើ​ជា​អនាគត។​ ការ​ផ្ដល់​សម្ពាធ​ទៅ​អោយ​បុរស​ដែល​ជា​សង្សារ​គឺ​អាច​ធ្វើ​អោយ​គេ​យល់​ច្រឡំ​ពី​មិត្តភាព​ស្នេហា​នោះ​។ ២) មាន​អារម្មណ៍​ថា​នារី​ម្នាក់​នោះ​មិន​សូវ​ជា​គោរព​ខ្លួន​ឯង៖ ពេលខ្លះ មនុស្ស​​ប្រុស​ត្រូវ​ការ​អោយ​មនុស្ស​ជា​ទី​ស្រលាញ់​គោរព​ខ្លួន​ជៀស​ជាង​ការ​ស្រលាញ់​ខ្លួន។​ ប្រសិន​បើ​អ្នក​មិន​គោរព​រូប​គេ​ទេ​នោះ​ គេ​មិន​ត្រឹម​តែ​មាន​អារម្មណ៍​ខឹង​អ្នក​ប៉ុណ្ណោះ​ទេ ថែម​ទាំង​មាន​ចិត្ត​មួយ​គិត​ថា​រូប​គេ​អស់​តម្លៃ​សម្រាប់​អ្នក​ហើយ។ ៣) រស់​នៅ​គ្មាន​ការ​ចុះ​សម្រុង​គ្នា៖ ភាព​មិន​ចុះ​សម្រុង​គ្នា​នេះ​ហើយ​ដែល​អាច​បង្កើត​អោយ​មាន​ការ​ឈ្លោះ​ទាស់​ទែង​គ្នា។ តើ​អ្នក​អាច​រស់​នៅ​ជាមួយ​គ្នា​បាន​ទេ ប្រសិន​បើ​អ្នក​មាន​ចិត្ត​ផ្ទុយ​គ្នា​ ហើយ​តែង​តែ​ជំទាស់​ឬ​ខ្វែង​គំនិត​គ្នា​ដូច​នេះ? ៤) ដោយ​សារ​តែ​​មិន​ទាន់​អស់​ចិត្ត​ពី​អ្នក​ចាស់៖ រឿង​នេះ​ក៏​អាច​នឹង​កើត​ឡើង​ផង​ដែរ​ ប្រសិន​បើ​បុរស​ម្នាក់​នោះ​ នូវ​តែ​មាន​​សេចក្ដី​នឹក​រលឹក​ ឬ​មិន​ទាន់​ដាច់​ស្រលះ​ពី​សង្សារ​ចាស់។ គេ​អាច​នឹង​ចង់​បាន​អ្នក​តែ​មួយ​គ្រា​ប៉ុណ្ណោះ​ ហើយ​ស្នេហា​នោះ​នឹង​មិន​អាច​ត​ទៅ​មុខ​បាន​យូរ​អង្វែង​ទេ៕ ប្រែ​សម្រួល៖ ព្រំ សុវណ្ណកណ្ណិកា ប្រភព៖ www.cheatsheet.com