ប៉ូលិសបែលហ្សិក ចាប់មនុស្ស១៦នាក់ សង្ស័យពាក់ព័ន្ធអំពើភេរវកម្មប៉ារីស
ប៉ូលិសបែលហ្សិក បានចាប់ខ្លួនមនុស្ស១៦នាក់ ដោយសង្ស័យថា ជាប់ពាក់ព័ន្ធនឹងអំពើភេរវកម្មនៅទីក្រុងប៉ារីសកន្លងមក។
ក្នុងពេលបើកប្រតិបត្តិការចាប់ខ្លួនជនសង្ស័យទាំងនោះ ប៉ូលិសមិនបានរកឃើញអាវុធអ្វីនោះទេ ប៉ុន្តែយ៉ាងណាក៏ដោយ មនុស្ស១៦នាក់នោះ ត្រូវតែឃុំខ្លួន ដើម្បីស៊ើបអង្កេតបន្តទៀត។
ការចាប់ខ្លួននេះ គឺដោយសារតែគេជឿថា ប្រទេសបែលហ្សិកជា ប្រភពសំខាន់របស់ក្រុមជ្រុលនិយមដែលបានវាយប្រហារនៅទីក្រុងប៉ារីសដែលបណ្តាលឲ្យមនុស្សប្រមាណជាង១០០នាក់ស្លាប់នោះ ។
សូមបញ្ជាក់ក្រោយមានហេតុការណ៍នៅទីក្រុងប៉ារីសមក ពិភពលោកជាពិសេសនៅតំបន់អឺរ៉ុប កំពុងមានការព្រួយបារម្ភខ្លាំង ព្រោះថាក្រុមISIS អាចនឹងវាយប្រហារគ្រប់ពេលវេលា៕
ដោយ៖ រតនា វិចិត្រ
ប្រភព៖ Reuters
