​​​បារាំង​រក​ឃើញ​វ៉ាក់សាំង​ការពារ​ជម្ងឺ​គ្រុនឈាម​ដំបូង​​ក្នុង​លោក ​​ ​ហើយ​ម៉ិចស៊ីកូ​​ចាប់ផ្តើម​ប្រើ​មុន​គេ​​



វ៉ាក់សាំង​​ការពារ​ជម្ងឺ​គ្រុនឈាម​ដំបូង​បង្អស់​​ក្នុង​លោក ​ត្រូវ​បាន​អនុញ្ញាត​ឲ្យ​ប្រើប្រាស់​ ​ក្នុង​ប្រទេស​ម៉ិចស៊ីកូ។ ​​នេះ​បើ​តាម​ការ​​បញ្ជាក់​របស់​ក្រុមហ៊ុន Sanofi​​​ដែល​ជា​ក្រុមហ៊ុន​ផលិត​ឱសថ​របស់​បារាំង​កាល​ពី​ថ្ងៃ​ពុធ​កន្លង​ទៅ​។ ​វ៉ាក់សាំង​ការពារ​ជម្ងឺ​គ្រុនឈាម​​​នេះ​​ ​មាន​ឈ្មោះ​ថា​Dengvaxia ​ដែល​ត្រូវ​បាន​​ក្រុមហ៊ុន Sanofi​ចំណាយ​ពេល​អស់​២០​ឆ្នាំ​ ​និង ចំណាយ​ថវិកា​អស់​​ជាង​ ​១,៦​ពាន់​លាន​ដុល្លារ​អាមេរិក​ ​ដើម្បី​ស្រាវជ្រាវ​ ​និង បង្កើត​វា​ឡើង​។ ​​​ការ​ផលិត​វ៉ាក់សាំង​​នេះ​ឡើង​ ​គឺ​ពិត​ជា​មាន​សារសំខាន់​ខ្លាំង​ណាស់​ ​ព្រោះ​ថា ​ជម្ងឺ​គ្រុនឈាម​ជា​ជម្ងឺ​ដែល​កាច​សាហាវ​ ​​ហើយ​វា​បង្ក​គ្រោះ​ថ្នាក់​ធ្ងន់ធ្ងរ​នៅ​ប្រទេស​ក្រីក្រ​ ​និង កំពុង​អភិវឌ្ឍ​។ បើ​យោង​តាម​របាយការណ៍​របស់​អង្គការ​សុខភាព​ពិភពលោក​ ​​​មាន​មនុស្ស​ប្រមាណ​៤០០ លាន​ដុល្លារ​កើត​ជម្ងឺ​គ្រុនឈាម​ជា​រៀងរាល់​ឆ្នាំ​នៅ​លើ​ពិភពលោក​៕ ​ដោយ​៖ ​អ៊ុន ​ភក្តី​ ​ប្រភព៖ www.channelnewsasia.com