ការស្រាវជ្រាវ៖ ការគេងច្រើន និង អង្គុយយូរពេក ធ្វើឲ្យមនុស្សឆាប់ស្លាប់ជាងមនុស្សធម្មតា៤ដង
ការគេងច្រើនពេក និង អង្គុយធ្វើច្រើនម៉ោង អាចធ្វើឲ្យមនុស្សឆាប់ស្លាប់មុនអាយុ។ នេះបើតាមការស្រាវជ្រាវរបស់សាកលវិទ្យាល័យ Sydneyរបស់អូស្ត្រាលី។
ការស្រាវជ្រាវនេះធ្វើឡើងតាំងពីឆ្នាំ២០០៦ ដោយសិក្សាលម្អិតលើមនុស្សប្រមាណ ២ ២៣០ ០០០នាក់មានអាយុចន្លោះពី៤៥ឆ្នាំ រហូត៦០ឆ្នាំ។
ក្នុងលទ្ធផលនៃការស្រាវជ្រាវនោះ បង្ហាញច្បាស់ថា មនុស្សដែលគេងច្រើនលើសពី៩ម៉ោងក្នុងមួយថ្ងៃ ហើយអង្គុយធ្វើការច្រើនលើសពី៧ម៉ោងក្នុងមួយថ្ងៃ ដោយមិនសូវមានចលនារាងកាយគ្រប់គ្រាន់ អាចប្រឈមមុខនឹងការស្លាប់ច្រើនជាងមនុស្សធម្មតា៤ដង៕
ដោយ៖ អ៊ុន ភក្តី
ប្រភព៖ www.rt.com
