ហេតុអ្វីស្វីសត្រូវបានគេប្រគល់កេរ្តិ៍ឈ្មោះដ៏ឧត្តុង្គឧត្តមជា "ប្រទេសដ៏ល្អជាងគេបំផុតប្រចាំឆ្នាំ២០១៧" ?
ឆ្លងកាត់ដំណើរការណ៍សម្រេចចិត្តយ៉ាងម៉ត់ចត់និងល្អិតល្អន់រួចមក របាយការណ៍និងការចាត់ថ្នាក់ប្រទេសដ៏ល្អបំផុតប្រចាំឆ្នាំ២០១៧ (The 2017 Best Countries) បានសម្រេចចិត្តប្រគល់កេរ្តិ៍ឈ្មោះដ៏ឧត្ដុង្គឧត្ដមទៅឲ្យកូនប្រទេសតូចមួយដែលស្ថិតនៅចំកណ្ដាលអឺរ៉ុប ដែលជាប្រទេសស្វីស គឺជា "ប្រទេសដ៏ល្អបំផុតប្រចាំឆ្នាំ២០១៧"។ តើប្រទេសស្វីសមានភស្តុតាងអ្វីខ្លះដើម្បីបញ្ជាក់ទៅកាន់ពិភពលោកថា ពួកគេពិតជាស័ក្ដិសមនឹងតំណែងនេះមែន ?
ការច្នៃប្រឌិត
សមិទ្ធផលរបស់ប្រទេសមួយអាចជាកញ្ចក់ឆ្លុះបញ្ចាំងពីខួរក្បាលរបស់ធនធានមនុស្សនៅក្នុងប្រទេសមួយនោះ។ យើងប្រហែលជាអាចត្រូវការទិន្នន័យចេញពីច្រើនជ្រុង ដើម្បីទាញទៅរកសេចក្ដីសន្និដ្ឋានមួយដែលអាចវាយតម្លៃប្រកបដោយការពិចារណាថ្លឹងថ្លែងបានល្អិតល្អន់ថាមនុស្សម្នាក់នោះពិតជាមានទេពកោសល្យមែនឬអត់។ ប៉ុន្តែបើមើលពីស្នាដៃសមិទ្ធផលរបស់ពួកគេ យើងនឹងអាចដឹងថាតើពួកគេពិតជាមានទេពកោសល្យមែនឬយ៉ាងណា។
ស្វីសគឺជាប្រទេសមួយដែលផលិតបានធនធានមនុស្សកំពូលៗជាច្រើន ដែលពានរង្វាន់ណូបែលចំនួន២៥ត្រូវបានជាតិសាសន៍នេះដណ្ដើមបាន ក្នុងនោះមានចំនួន៩ជាផ្នែកវេជ្ជសាស្ត្រ ៦ជាផ្នែកគីមី ៥ជាផ្នែករូបវិទ្យា ៣ជាផ្នែកសន្តិភាព និង២ជាផ្នែកអក្សរសាស្ត្រ។ ចាប់តាំងពីឆ្នាំ២០១១តជាប់គ្នារហូតមកដល់ឆ្នាំ២០១៧ ស្វីសតែងតែអាចរក្សាតំណែងរបស់ខ្លួន ឈរនៅលំដាប់កំពូលគេជា "ប្រទេសដែលមានការច្នៃប្រឌិតជាងគេបំផុតរបស់ពិភពលោក"។ ឯកាលពីឆ្នាំ២០១៦ សាកលវិទ្យាល័យ École Polytechnique Fédérale de Lausanne (EPFL) ត្រូវបានជាប់ចំណាត់ថ្នាក់ទី៤ជា "សាកលវិទ្យាល័យដែលមានការច្នៃប្រឌិតជាងគេនៅក្នុងអឺរ៉ុប"។
[caption id="attachment_41934" align="aligncenter" width="600"]
www.epfl.ch[/caption]
ក្នុងចំណោមប្រជាជនសរុបប្រមាណជាង៨លាននាក់នៅក្នុងផ្ទៃដីសរុបចំនួនតែ៤១,២៧៧គីឡូម៉ែត្រការ៉េ សូម្បីតែចំនួនប័ណ្ណកម្មសិទ្ធិបញ្ញាដែលស្វីសមានចំនួន៨៩២គិតក្នុង១លាននាក់ ចំនួននេះក៏នៅតែអាចឲ្យស្វីសដណ្ដើមតំណែងលើគេក្នុងឆ្នាំ២០១៦ ជាប្រទេសដែលមានកម្មសិទ្ធិបញ្ញាច្រើនជាងគេក្នុង១លាននាក់ដែរ បើប្រៀបនឹងហុល្លង់ចំនួន៤០៥ ស៊ុយអែត៣៦០ ដាណឺម៉ាក៣៣៤ និងហ្វាំងឡង់៣៣១។
មិនតែប៉ុណ្ណោះ ពួកគេថែមទាំងបានទាក់ទាញចំណាប់អារម្មណ៍របស់សកលលោកជាមួយនឹងគម្រោងការច្នៃប្រឌិតបរិស្ថានបៃតងដែលមានដូចជា ការបង្កើតយន្តហោះដែលដើរដោយថាមពលពន្លឺព្រះអាទិត្យ និងម៉ាស៊ីនដែលអាចចាប់យកឧស្ម័នកាបូនឌីអុកស៊ីតដែលបំពុលបរិយាកាសឲ្យបាន១%ជារៀងរាល់ឆ្នាំផងដែរ។
[caption id="attachment_41932" align="aligncenter" width="600"]
www.uasvision.com[/caption]
សេចក្ដីសុខនិងគុណភាពជីវិត
របាយការណ៍ក្នុងឆ្នាំ២០១៧បានបង្ហាញថា ស្វីសជាប្រទេសដែលមានសេចក្ដីសុខជាងគេលំដាប់ទី៤ក្នុងពិភពលោក។ បន្ថែមពីលើភស្តុតាងដែលអាយុប្រជាជនដែលអាចរស់នៅបាន៨២.៨ឆ្នាំជាមធ្យម ស្វីសគឺជាប្រទេសមួយដែលរាជរដ្ឋាភិបាលមានកម្មវិធីថែទាំសុខភាពនិងសុខុមាលភាពផ្ដល់ជូនប្រជាជនរបស់ពួកគេ ហើយក៏ជាប្រទេសមួយដែលមានតម្លៃពន្ធទាបបំផុតផងដែរ។ ចំនួនផលិតផលសរុបក្នុងស្រុកដែលមានរហូតដល់ទៅ៧០១ពាន់លានដុល្លារ ជាមួយនឹងអត្រាអ្នកអត់ការងារធ្វើមានទាប ចំណូលរបស់ប្រជាជនស្វីសម្នាក់ៗក្នុងមួយឆ្នាំគិតជាកាពីតាមានចំនួន៥៨,៦៤៧ដុល្លារ ជាចំនួនដ៏ខ្ពស់មួយដែលចក្រភពអង់គ្លេសមានមិនដល់៤០,០០០ដុល្លារផង។
សុខសន្តិភាពនិងអព្យាក្រឹតខ្ពស់
សហព័ន្ធស្វីសដែលត្រូវបានបង្កើតឡើងនៅក្នុងឆ្នាំ១២៩១ និងក្លាយជាសហព័ន្ធដែលមានឯករាជ្យពេញលេញពីចក្រភពរ៉ូម៉ាំងនៅក្នុងឆ្នាំ១៤៩៩ រដ្ឋធម្មនុញ្ញថ្មីដំបូងរបស់ស្វីសដែលត្រូវបានតាក់តែងឡើងនៅឆ្នាំ១៨៤៨ បានប្រែក្លាយប្រទេសនេះឲ្យមានសន្តិភាពនិងស្ងប់ស្ងាត់បំផុត។ ប្រទេសអព្យាក្រឹតមួយនេះ មិនបានចូលទៅខាងណាមួយឬចូលរួមពាក់ព័ន្ធនឹងជម្លោះសង្គ្រាមលោកនោះឡើយ ដូច្នេះហើយទើបបានជាមកទល់ពេលនេះស្វីសបានក្លាយជាតំបន់ចម្រុះជាតិសាសន៍មួយ ក៏ព្រោះតែភាពស្ងប់ស្ងាត់នេះបានធ្វើឲ្យជនភៀសខ្លួនជាច្រើនបាននាំគ្នាទៅទីនោះអំឡុងសង្គ្រាមលោកកើតឡើង។
[caption id="attachment_41931" align="aligncenter" width="600"]
www.imd.org[/caption]
ប្រទេសដ៏មានសន្តិភាពមួយនេះ ក៏បានក្លាយជាទីស្នាក់ការរបស់អង្គការអន្តរជាតិជុំវិញពិភពលោក ជាពិសេសនៅក្នុងទីក្រុង Geneva ដែលក្នុងនោះមានទាំងគណៈកម្មាធិការអន្តរជាតិកាកបាទក្រហម និងអង្គការសហប្រជាជាតិផងដែរ៕
ដោយ៖ ស្រីពៅ
www.epfl.ch[/caption]
ក្នុងចំណោមប្រជាជនសរុបប្រមាណជាង៨លាននាក់នៅក្នុងផ្ទៃដីសរុបចំនួនតែ៤១,២៧៧គីឡូម៉ែត្រការ៉េ សូម្បីតែចំនួនប័ណ្ណកម្មសិទ្ធិបញ្ញាដែលស្វីសមានចំនួន៨៩២គិតក្នុង១លាននាក់ ចំនួននេះក៏នៅតែអាចឲ្យស្វីសដណ្ដើមតំណែងលើគេក្នុងឆ្នាំ២០១៦ ជាប្រទេសដែលមានកម្មសិទ្ធិបញ្ញាច្រើនជាងគេក្នុង១លាននាក់ដែរ បើប្រៀបនឹងហុល្លង់ចំនួន៤០៥ ស៊ុយអែត៣៦០ ដាណឺម៉ាក៣៣៤ និងហ្វាំងឡង់៣៣១។
មិនតែប៉ុណ្ណោះ ពួកគេថែមទាំងបានទាក់ទាញចំណាប់អារម្មណ៍របស់សកលលោកជាមួយនឹងគម្រោងការច្នៃប្រឌិតបរិស្ថានបៃតងដែលមានដូចជា ការបង្កើតយន្តហោះដែលដើរដោយថាមពលពន្លឺព្រះអាទិត្យ និងម៉ាស៊ីនដែលអាចចាប់យកឧស្ម័នកាបូនឌីអុកស៊ីតដែលបំពុលបរិយាកាសឲ្យបាន១%ជារៀងរាល់ឆ្នាំផងដែរ។
[caption id="attachment_41932" align="aligncenter" width="600"] www.uasvision.com[/caption]
សេចក្ដីសុខនិងគុណភាពជីវិត
របាយការណ៍ក្នុងឆ្នាំ២០១៧បានបង្ហាញថា ស្វីសជាប្រទេសដែលមានសេចក្ដីសុខជាងគេលំដាប់ទី៤ក្នុងពិភពលោក។ បន្ថែមពីលើភស្តុតាងដែលអាយុប្រជាជនដែលអាចរស់នៅបាន៨២.៨ឆ្នាំជាមធ្យម ស្វីសគឺជាប្រទេសមួយដែលរាជរដ្ឋាភិបាលមានកម្មវិធីថែទាំសុខភាពនិងសុខុមាលភាពផ្ដល់ជូនប្រជាជនរបស់ពួកគេ ហើយក៏ជាប្រទេសមួយដែលមានតម្លៃពន្ធទាបបំផុតផងដែរ។ ចំនួនផលិតផលសរុបក្នុងស្រុកដែលមានរហូតដល់ទៅ៧០១ពាន់លានដុល្លារ ជាមួយនឹងអត្រាអ្នកអត់ការងារធ្វើមានទាប ចំណូលរបស់ប្រជាជនស្វីសម្នាក់ៗក្នុងមួយឆ្នាំគិតជាកាពីតាមានចំនួន៥៨,៦៤៧ដុល្លារ ជាចំនួនដ៏ខ្ពស់មួយដែលចក្រភពអង់គ្លេសមានមិនដល់៤០,០០០ដុល្លារផង។
សុខសន្តិភាពនិងអព្យាក្រឹតខ្ពស់
សហព័ន្ធស្វីសដែលត្រូវបានបង្កើតឡើងនៅក្នុងឆ្នាំ១២៩១ និងក្លាយជាសហព័ន្ធដែលមានឯករាជ្យពេញលេញពីចក្រភពរ៉ូម៉ាំងនៅក្នុងឆ្នាំ១៤៩៩ រដ្ឋធម្មនុញ្ញថ្មីដំបូងរបស់ស្វីសដែលត្រូវបានតាក់តែងឡើងនៅឆ្នាំ១៨៤៨ បានប្រែក្លាយប្រទេសនេះឲ្យមានសន្តិភាពនិងស្ងប់ស្ងាត់បំផុត។ ប្រទេសអព្យាក្រឹតមួយនេះ មិនបានចូលទៅខាងណាមួយឬចូលរួមពាក់ព័ន្ធនឹងជម្លោះសង្គ្រាមលោកនោះឡើយ ដូច្នេះហើយទើបបានជាមកទល់ពេលនេះស្វីសបានក្លាយជាតំបន់ចម្រុះជាតិសាសន៍មួយ ក៏ព្រោះតែភាពស្ងប់ស្ងាត់នេះបានធ្វើឲ្យជនភៀសខ្លួនជាច្រើនបាននាំគ្នាទៅទីនោះអំឡុងសង្គ្រាមលោកកើតឡើង។
[caption id="attachment_41931" align="aligncenter" width="600"] www.imd.org[/caption]
ប្រទេសដ៏មានសន្តិភាពមួយនេះ ក៏បានក្លាយជាទីស្នាក់ការរបស់អង្គការអន្តរជាតិជុំវិញពិភពលោក ជាពិសេសនៅក្នុងទីក្រុង Geneva ដែលក្នុងនោះមានទាំងគណៈកម្មាធិការអន្តរជាតិកាកបាទក្រហម និងអង្គការសហប្រជាជាតិផងដែរ៕
ដោយ៖ ស្រីពៅ
