តើសុបិនអាចជួយស្វែងរកចម្លើយដោះស្រាយបញ្ហាមែនឬ ?
ហេតុអ្វីបានជាមនុស្សសុបិន ? បើសុបិនគឺជាការវិវត្តរបស់មនុស្សពីធម្មជាតិ ដូច្នេះតើអ្វីទៅជាគោលដៅដែលធម្មជាតិបង្កើតឲ្យមនុស្សអាចសុបិន ? ជាច្រើនសតវត្សកន្លងមកហើយ ដែលអ្នកវិទ្យាសាស្ត្រឬអ្នកសិក្សាអំពីសុបិនបានបង្កើតជាទ្រឹស្ដីជាច្រើនដែលបកស្រាយទៅលើមូលហេតុដែលមនុស្សសុបិន ដោយផ្អែកទៅលើបទពិសោធន៍និងការយល់ឃើញរបស់ពួកគេរៀងៗខ្លួន។ រហូតមកដល់ពេលនេះហើយក៏ដោយ អ្នកវិទ្យាសាស្ត្រនៅតែពុំអាចព្រមព្រៀងគ្នាបានថាហេតុអ្វីបានជាមនុស្សសុបិននោះដែរ និងអ្វីជាមូលហេតុនៃការសុបិន។
សុបិនគឺជាអាថ៌កំបាំងមួយអំពីធម្មជាតិរបស់មនុស្ស នៅក្នុងចំណោមចំណោទស្មុគស្មាញដទៃទៀតដែលអ្នកវិទ្យាសាស្ត្រព្យាយាមស្វែងរកការពិតអំពីវា។ សុបិនកើតឡើងនៅក្នុងទម្រង់ជាច្រើនចំពោះបុគ្គលផ្ទាល់ខ្លួនដែលបានសុបិន មានទាំងជាសុបិនអាក្រក់ ដូចជាឃើញអំពើឃាតកម្មឬចោរលួចទ្រព្យជាដើម សុបិនក៏មានល្អ ដូចជាឃើញមនុស្សជាទីស្រឡាញ់ឬអ្វីដែលខ្លួនតែងប្រាថ្នាចង់បាន ហើយក៏មានសុបិនខ្លះទៀតដែលបានជួយម្ចាស់សុបិនដោះស្រាយបញ្ហាស្មុគស្មាញក្នុងជីវិតផ្ទាល់ខ្លួននិងជីវិតការងារផងដែរ។
នៅក្នុងនោះក៏មានភស្តុតាងជាច្រើនដែលបញ្ជាក់ពីការរកឃើញគំនិតដ៏អស្ចារ្យរបស់អ្នកវិទ្យាសាស្ត្រល្បីៗក្នុងប្រវត្តិសាស្ត្រមនុស្សជាតិ ដែលមានឥទ្ធិពលប្រៀបបាននឹងក្រឡាប់ផែនដីទាំងមូលដូច្នោះ។ តើអ្នកធ្លាប់ប្រើប្រាស់តារាងខួបនៃធាតុគីមី ដែលបង្ហាញពីទំនាក់ទំនងរវាងធាតុគីមីមួយទៅនឹងធាតុគីមីមួយទៀតទេ ? ធាតុគីមីនីមួយៗត្រូវបានសរសេរនៅលើតារាងខួបដោយមានលំដាប់លេខរៀងរបស់វា ឬជាលេខអាតូមរបស់ធាតុនីមួយៗ ពុំមែនចេះតែដាក់តាមចិត្តនឹកឃើញនោះឡើយ។ ធាតុគីមីនីមួយៗមានមូលហេតុជាក់លាក់របស់វាដែលបណ្ដាលឲ្យវាមកស្ថិតនៅលំដាប់លេខរៀងរបស់វា។
ហេតុនេះអ្នកអាចដឹងបានហើយថា តើការរៀបចំធាតុគីមីនីមួយៗនៅក្នុងតារាងខួបមានភាពស្មុគស្មាញប៉ុណ្ណា។ ប៉ុន្តែនេះជាខួរក្បាលរបស់មនុស្ស ដែលជាអ្នករកឃើញរបកគំហើញដ៏ឈ្លាសវៃមួយនេះ។ បើអ្នកស្គាល់ដល់តារាងខួបនៃធាតុគីមីហើយ អ្នកប្រាកដជាស្គាល់ដល់អ្នករកឃើញវាដូចគ្នាដែរនោះគឺ គីមីវិទូ លោក ឌីមេទ្រី មិនដេលេយេវ (១៨៣៤ដល់១៩០៧)។ តើគាត់អាចក្លាយជាបិតានៃគីមីវិទ្យា ដែលបានសាងមូលដ្ឋានសម្រាប់គីមីវិទ្យាសម័យទំនើបដោយសារការរកឃើញដ៏អស្ចារ្យមួយនេះ ដោយរបៀបណា ? គាត់ធ្លាប់លើកឡើងថា នៅពេលមួយនោះក្នុងសុបិនរបស់គាត់ គាត់ឃើញធាតុគីមីនីមួយៗមានទំនាក់ទំនងជាមួយគ្នាទៅវិញទៅមក នៅក្នុងរបៀបមួយដែលអាចប្រដូចបានទៅនឹងចង្វាក់ភ្លេងដែលប្រគំទៅយ៉ាងរណ្ដំគ្នាដូច្នោះ។
[caption id="attachment_43217" align="aligncenter" width="600"]
www.telegraph.co.uk[/caption]
បិតារូបវិទ្យា អាល់ប៊ឺត អាញស្តាញ និងជាអ្នកប្រាជ្ញរូបវិទ្យាដែលគេស្គាល់តាមរយៈទ្រឹស្ដីដ៏ល្បីបំផុតនិងសំខាន់បំផុតមួយសម្រាប់ជាទុនគំនិតរបស់រូបវិទ្យាបច្ចុប្បន្ន ដែលជាទ្រឹស្ដី Theory of Relativity ក៏មានឫសគល់ចេញមកពីសុបិនដែលអាញស្តាញឃើញថា គាត់កំពុងតែជិះលើក្ដាររអិលចុះពីភ្នំ មើលឃើញទីតាំងរបស់ផ្កាយដែលផ្លាស់ប្ដូរធៀបទៅនឹងល្បឿនរបស់គាត់។
[caption id="attachment_43218" align="aligncenter" width="600"]
www.pbs.org[/caption]
ភស្តុតាងខាងលើនេះហាក់បីដូចជាបានផ្ដល់មុខសញ្ញាអំពីមូលហេតុដែលមនុស្សសុបិន។ សាស្ត្រាចារ្យពីសាកលវិទ្យាល័យហាវើដមួយរូប និងជាអ្នកនិពន្ធសៀវភៅ The Committee of Sleep: How Artists, Scientists and Athletes Use Dreams For Creative Problem-Solving- And How You Can, Too លោក Deirdre Barrett បានស្រាវជ្រាវនិងរកឃើញថា អ្នកអាចផ្លាស់ប្ដូរការសុបិនរបស់អ្នកបាន ហើយប្រសិនជាអ្នកចង់ឲ្យសុបិនរបស់អ្នកដោះស្រាយបញ្ហាឲ្យ ដូច្នេះអ្នកត្រូវនឹករលឹកគិតពីបញ្ហានោះជាប្រចាំ ដិតជាប់នឹងការគិតរបស់អ្នក នៅមុនពេលគេងរហូតដល់អ្នកលង់លក់ស្កប់ស្កល់ទៅ។ លុះសុបិននឹងជួយដោះស្រាយបញ្ហា ដែលតែងដក់ជាប់ក្នុងការគិតរបស់អ្នកនៅក្នុងជីវិតជាក់ស្ដែងមិនខាន៕
ដោយ៖ ស្រីពៅ
www.telegraph.co.uk[/caption]
បិតារូបវិទ្យា អាល់ប៊ឺត អាញស្តាញ និងជាអ្នកប្រាជ្ញរូបវិទ្យាដែលគេស្គាល់តាមរយៈទ្រឹស្ដីដ៏ល្បីបំផុតនិងសំខាន់បំផុតមួយសម្រាប់ជាទុនគំនិតរបស់រូបវិទ្យាបច្ចុប្បន្ន ដែលជាទ្រឹស្ដី Theory of Relativity ក៏មានឫសគល់ចេញមកពីសុបិនដែលអាញស្តាញឃើញថា គាត់កំពុងតែជិះលើក្ដាររអិលចុះពីភ្នំ មើលឃើញទីតាំងរបស់ផ្កាយដែលផ្លាស់ប្ដូរធៀបទៅនឹងល្បឿនរបស់គាត់។
[caption id="attachment_43218" align="aligncenter" width="600"] www.pbs.org[/caption]
ភស្តុតាងខាងលើនេះហាក់បីដូចជាបានផ្ដល់មុខសញ្ញាអំពីមូលហេតុដែលមនុស្សសុបិន។ សាស្ត្រាចារ្យពីសាកលវិទ្យាល័យហាវើដមួយរូប និងជាអ្នកនិពន្ធសៀវភៅ The Committee of Sleep: How Artists, Scientists and Athletes Use Dreams For Creative Problem-Solving- And How You Can, Too លោក Deirdre Barrett បានស្រាវជ្រាវនិងរកឃើញថា អ្នកអាចផ្លាស់ប្ដូរការសុបិនរបស់អ្នកបាន ហើយប្រសិនជាអ្នកចង់ឲ្យសុបិនរបស់អ្នកដោះស្រាយបញ្ហាឲ្យ ដូច្នេះអ្នកត្រូវនឹករលឹកគិតពីបញ្ហានោះជាប្រចាំ ដិតជាប់នឹងការគិតរបស់អ្នក នៅមុនពេលគេងរហូតដល់អ្នកលង់លក់ស្កប់ស្កល់ទៅ។ លុះសុបិននឹងជួយដោះស្រាយបញ្ហា ដែលតែងដក់ជាប់ក្នុងការគិតរបស់អ្នកនៅក្នុងជីវិតជាក់ស្ដែងមិនខាន៕
ដោយ៖ ស្រីពៅ
