ត្រូវសួរខ្លួនឯង៣សំនួរនេះសិន ដើម្បីជោគជ័យទាំងក្នុងពេល និង ក្រោយពេលសម្ភាសន៍ការងារ !
សិស្សនិស្សិតភាគច្រើន ពិតជាចង់បានឱកាសការងារ ដើម្បីអាចសន្សំបទពិសោធន៍ និង ប្រាក់ខ្លះៗសម្រាប់ចំណាយប្រចាំថ្ងៃ។ ដូច្នេះហើយ នៅពេល ត្រូវតែត្រៀមខ្លួនឲ្យបានល្អបំផុត ដើម្បីឆក់យកឱកាសដែលល្អៗ។
ខាងក្រោមនេះ ជាសំនួរ៣សំខាន់ៗ ដែលអ្នកត្រូវសួរខ្លួនឯង៖
១) តើវាជាការងារដែលអ្នកពេញចិត្តឬទេ?៖ មិនមែនឲ្យតែឃើញដំណឹងការងារ អ្នកចេះតែដាក់ពាក្យ ហើយក៏ទៅសម្ភាសន៍នោះទេ ការធ្វើបែបនេះ ជាការរៀបចំផែនការមួយខុសសម្រាប់ការងារ និង អាជីពក្នុងជីវិត។ ចំណុចសំខាន់បំផុតដែលអ្នកត្រូវសួរខ្លួនឯងនោះ គឺថាតើវាជាប្រភេទការងារដែលអ្នកពិតជាពេញចិត្តឬទេ ព្រោះបើអ្នកពេញចិត្ត នោះអ្នកប្រាកដជា អាចត្រៀមខ្លួនរួចរាល់ ដើម្បីចាប់យកឱកាសការងារនេះ។
២) ទីតាំងនិងវេលាក្នុងពេលណាត់ជួបសម្ភាសន៍?៖ វាជាចំណុចសំខាន់មួយ ដែលអ្នកត្រូវតែច្បាស់បំផុត ដើម្បីកុំឲ្យខក ក្នុងការស្វែងរកទីតាំង ។ ដូច្នេះហើយ សូមកុំស្ទាក់ស្ទើរក្នុងការបញ្ជាក់អំពីទីតាំង និង ពេលវេលាឲ្យច្បាស់លាស់បំផុត ទើបជាការប្រសើរ។
៣) យល់ច្បាស់អំពីមុខតំណែង និង តួនាទី?៖ បើទោះបីជា វាជាមុខតំណែងដែលអ្នកមិនដែលធ្វើពីមុនមកក្តី អ្នកត្រូវតែយល់ច្បាស់អំពីវា តាមរយៈការអាន ចំណុចសំខាន់ៗក្នុងសេចក្តីប្រកាសរកបុគ្គលិកនោះ ដើម្បីប្រាកដថា អ្នកនឹងមិនគាំងក្នុងពេលគេជជីកសួរផ្សេងៗក្នុងពេលសម្ភាសន៍។ ម្យ៉ាងវិញទៀត នៅពេលអ្នកដឹងច្បាស់អំពីការងារនោះ អ្នកអាចចាប់ផ្តើមធ្វើវាយ៉ាងមានទំនុកចិត្ត ក្រោយពេលសម្ភាសន៍ជាប់៕
ដោយ៖ អ៊ុន ភក្តី
