កិច្ចការសំខាន់ៗ៣យ៉ាងដែលអ្នក ត្រូវតែបន្តធ្វើជាប្រចាំ ទោះបីជារៀបការហើយក្តី!
ជាទូទៅ មុនពេលរៀបការ និង ក្រោយពេលរៀបការ មនុស្សម្នាក់ៗសុទ្ធតែមានការផ្លាស់ប្ដូរទម្លាប់របស់ខ្លួន ។ យ៉ាងណាក៏ដោយ បើផ្លាស់ប្ដូរពីទម្លាប់អាក្រក់មកល្អ គឺមិនអីទេកុំឲ្យតែ ពីល្អទៅអាក្រក់វិញ។
ខាងក្រោមនេះ កិច្ចការសំខាន់ៗដែលអ្នកត្រូវបន្តធ្វើទោះរៀបការហើយក៏ដោយ៖
១) ធ្វើលំហាត់ប្រាណ៖ មនុស្សមួយចំនួន កាលពីមិនទាន់មានគ្រួសារ ពួកគេពិតជាយកចិត្តទុកដាក់យ៉ាងខ្លាំងចំពោះការហាត់ប្រាណ ដើម្បីឲ្យមានសុខភាពល្អ និង ជាពិសេសឲ្យរាងកាយសមសួន។ ប៉ុន្តែក្រោយពេលមានគ្រួសារហើយ គឺលែងសូវខ្វល់តែម្តង ជាហេតុនាំឲ្យរាងកាយកាន់តែធាត់ និង មិនសូវមានសុខភាពល្អផងដែរ។ ដូច្នេះហើយអ្នកគួរតែបន្តព្យាយាមហាត់ប្រាណ ឲ្យបានច្រើនតាមតែអាចធ្វើទៅបាន។
២) ការរៀនសូត្រ៖ ទោះបីជាយ៉ាងណាក៏ដោយ ការរៀនសូត្រ គឺគ្មានដែនកំណត់នោះទេ ពោលគឺត្រូវតែព្យាយាមរៀនឲ្យបានច្រើនតាមតែលទ្ធភាព ដែលអាចធ្វើទៅបាន ទោះបីជាមានគ្រួសារហើយក្តី។ ការរៀនសូត្រនេះ មិនចាំបាច់តែទៅសាលានោះទេ តែអ្នកអាចរៀនពីមនុស្សជុំវិញខ្លួន និង ការអានសៀវភៅជាដើម។
៣) ដំណើរកម្សាន្ត៖ ថ្វីត្បិតតែនៅពេលមានគ្រួសារ គឺអ្នកត្រូវតែព្យាយាមកាត់បន្ថយការចំណាយ ប៉ុន្តែក៏គួរណាស់តែឆ្លៀតពេលសមស្របណាមួយដើម្បី ធ្វើដំណើរកម្សាន្តខ្លះ ដើម្បីបន្ថយអារម្មណ៍តានតឹងក្នុងចិត្ត ដែលនឿយហត់ដោយសារតែរឿងរ៉ាវជាច្រើន ទាំងការងារ និង គ្រួសារ។ លើសពីនេះទៀត ការធ្វើដំណើរកម្សាន្តអាចជួយឲ្យអ្នករកឃើញនូវគំនិតថ្មីៗក្នុងការរកស៊ី និង បំពេញការងារកាន់តែមានប្រសិទ្ធភាពខ្ពស់ជាងមុន៕
ដោយ៖ អ៊ុន ភក្តី
