Bill Gates នៅតែឈរលេខមួយជាមហាសេដ្ឋីមានទ្រព្យសម្បត្តិច្រើនជាងគេក្នុងលោក
លោក Bill Gates នៅតែឈរនៅលេខរៀងទីមួយដដែលក្នុងបញ្ជីមហាសេដ្ឋីដែលមានទ្រព្យសម្បត្តិច្រើនជាងគេបំផុតក្នុងលោកជាមួយនឹងទ្រព្យសម្បត្តិប្រមាណ ៨៧,៤ពាន់លានដុល្លារ ផ្អែកទៅតាមទិន្នន័យពីស្ថាប័ន Wealth-X។
ក្រុមហ៊ុន Microsoft បានប្រឡូកនៅក្នុងទីផ្សារភាគហ៊ុននៅឆ្នាំ១៩៨៦ ហើយក្រុមហ៊ុននេះបានចាប់ផ្ដើមរីកមុខមាត់នៅលើឆាកអន្តរជាតិយ៉ាងឆាប់រហ័ស។ ផ្អែកទៅតាមប្រភពដដែល ទ្រព្យសម្បត្តិសរុបរបស់លោក Bill Gates លើមហាសេដ្ឋីឈរនៅលេខរៀងទីពីរ គឺលោក Amancio Ortega ប្រមាណ ២០ពាន់លានដុល្លារ។
លោក Gate បានលាលែងពីតំណែងជានាយកប្រតិបត្តិនៅឆ្នាំ២០០០ ហើយលោកចាប់ផ្ដើមងាកមកគិតពីរឿងមនុស្សធម៌ដែលធ្វើនៅជុំវិញពិភពលោក។ លោក និងភរិយាកំពុងដំណើរការអង្គការរបស់គាត់ដែលមានមូលនិធិសរុបប្រមាណ ៤០ពាន់លានដុល្លារ៕ ដោយ៖ រតនៈវិភូ
