ជឿទេថា​​​​៣០០​ ឆ្នាំ​ទៅ​មុខ​ទៀត​​​ ​ជីវិត​មនុស្ស​នៅ​លើ​ភព​ផែនដី​នឹង​ប្រែ​ប្រួល​ ?​



​​របាយការណ៍​ដែល​ចេញ​​ផ្សាយ​ដោយ​អង្គការ​សហប្រជាជាតិ​កាល​ពី​​​ឆ្នាំ​​២០០៤​ ​ដែល​ដាក់​​ចំណង​ជើង​ថា​ "ប្រជាជន​ពិភពលោក​ នៅ​ឆ្នាំ​២៣០០" ​​បាន​បង្ហាញ​ពី​ការ​ប្រែ​ប្រួល​​ជីវិត​មនុស្ស​នៅ​លើ​ភព​ផែនដី​គួរ​ឱ្យ​កត់​សម្គាល់។

មាន​​ ៤​​ចំណុច​ដែល​លោក​អ្នក​គួរ​យល់​ដឹង​៖  

១) ​ចំនួន​ប្រជាជន​នឹង​មាន​ការ​ប្រែ​ប្រួល​តិច​ចាប់​ពី​ឆ្នាំ​​២០៥០​ ដល់​ឆ្នាំ​២៣០០៖ ​ធ្លាប់​មាន​ការ​លើក​ឡើង​ផ្សេង​ៗ​គ្នា​អំពី​ចំនួន​ប្រជាជន​នៅ​លើ​ភព​ផែនដី។ ​ប៉ុន្តែ​បើ​តាម​ការ​ព្យាករណ៍​​កាល​ពី​ឆ្នាំ​២០០៤​ ​ចំនួន​ប្រជាជន​ប្រហែល​ជា​​មាន​ចំនួន​ប្រមាណ​ ៩​ពាន់​លាន​​នាក់​​នៅ​រយៈ​ពេល​ ៣០០​ឆ្នាំ​ទៀត​​នេះ។

២) ​ចាប់​ពី​ខ្ទង់​​ឆ្នាំ​២០៤០​ ដល់​ឆ្នាំ​២៣០០៖ គិត​ជា​មធ្យម​ស្ត្រី​ម្នាក់​មាន​កូន​ប្រហែល​​ពីរ​នាក់​ប៉ុណ្ណោះ។  

៣) ​​​ចាប់​ពី​ឆ្នាំ​១៩៥០​ ដល់ឆ្នាំ​​២០០០​ ៖ ចំនួន​មនុស្ស​ចាស់​កើន​ឡើង​ច្រើន​ លើក​លែង​តែ​នៅ​ទ្វីប​អាហ្វ្រិក​តែ​ប៉ុណ្ណោះ។ ​ប៉ុន្មាន​ទសវត្សរ៍​​ចុង​ក្រោយ​នេះ​ ជំងឺ​អេដស៍​ និង​ជំងឺ​​មួយ​ចំនួន​ទៀត​បាន​រាតត្បាត​ពិភពលោក​​ដែល​ធ្វើ​ឱ្យ​អត្រា​មរណភាព​កើន​ឡើង។ ចំនួន​ក្មេងៗ​ទើប​នឹង​កើត​កើន​ឡើង​កាន់​តែ​ច្រើន​ ​ដែល​ធ្វើ​ឱ្យ​ចំនួន​មនុស្ស​ចាស់​ថយ​ចុះ។ ​និន្នាការ​នេះ​នឹង​ថយ​ចុះ​វិញ​​នៅ​ឆ្នាំ​២១០០។

៤) ​អាយុ​រំពឹង​រស់៖ ​មនុស្ស​នឹង​រស់​នៅ​បាន​អាយុ​វែង​ជាង​មុន​​ ជា​ពិសេស​នៅ​រយៈ​ពេល​ ៣០០​ឆ្នាំ​ខាង​មុខ​ទៀត​នេះ។ ដោយ​គិត​ជា​មធ្យម​ ​បូក​បញ្ចូល​គ្នា​ទាំង​ប្រទេស​​កំពុង​អភិវឌ្ឍន៍​ និង​ប្រទេស​អភិវឌ្ឍន៍​ ​​អង្គការ​​សហប្រជាជាតិ​វាយ​តម្លៃ​ថា​ ​​ស្ត្រី​អាច​រស់​បាន​អាយុ​ ៩៧​ឆ្នាំ​ និង​បុរស​បាន​ ៩៥​ឆ្នាំ។ ​នៅ​ប្រទេស​ជឿន​លឿន​ ​ស្ត្រី​ និង​បុរស​អាច​រស់​បាន​អាយុ​ចន្លោះ​ពី​ ៩៩​ទៅ​ ១០២​ឆ្នាំ៕​

 ដោយ៖ រតនៈ​វិភូ

X
5s