កូរ៉េខាងជើងចាប់ផ្ដើមចម្រាញ់សារធាតុអ៊ុយរ៉ាញ៉ូមជាថ្មី ដើម្បីផលិតផលនុយក្លេអ៊ែរ
កូរ៉េខាងជើង កំពុងតែចាប់ផ្ដើមដំណើរការម៉ាស៊ីនរ៉េអាក់ទ័រដើម្បីចម្រាញ់ សារធាតុអ៊ុយរ៉ាញ៉ូម សម្រាប់ផលិតអាវុធនុយក្លេអ៊ែរ។ នេះបើតាមការអះអាងរបស់លោកJames Clapper នាយកទីភ្នាក់ងារស៊ើបការណ៍ជាតិរបស់អាមេរិក កាលពីថ្ងៃអង្គារ។
ការចាប់ផ្ដើមម៉ាស៊ីនរ៉េអាក់ទ័រដើម្បីចម្រាញ់ សារធាតុអ៊ុយរ៉ាញ៉ូមជាថ្មីទៀតនេះ ធ្វើឡើងបន្ទាប់ពីប្រទេសកូរ៉េខាងជើងបានបាញ់សាកល្បងមីស៊ីលរយៈចម្ងាយឆ្ងាយកាលពីថ្ងៃសៅរ៍។ ការបាញ់សាកល្បងជាថ្មីកាលពីថ្ងៃសៅរ៍នោះ គឺធ្វើឡើងបន្ទាប់ពីទទួលជោគជ័យក្នុងការបាញ់សាកល្បងគ្រាប់បែកអ៊ីដ្រូហ្សែនកាលពីមួយខែមុន។
យ៉ាងណាក៏ដោយ សកម្មភាពរបស់កូរ៉េខាងជើងនាពេលនេះ នឹងត្រូវប្រឈមទណ្ឌកម្មធ្ងន់ធ្ងររពីសំណាក់ក្រុមប្រឹក្សាសន្តិសុខរបស់អង្គការសហប្រជាជាតិ។
សូមបញ្ជាក់ថា បើតាមការអះអាងរបស់កូរ៉េខាងជើងកន្លងមកថា ខ្លួននឹងព្យាយាមស្វែងរកបច្ចេកវិទ្យាថ្មីៗដែលអាចផលិតអាវុធ ដ៏មានអនុមាន និង អាចកម្ទេចសហរដ្ឋអាមេរិកទាំងមូល៕
ដោយ៖ អ៊ុន ភក្តី
