ក្រុមហ៊ុនAmazonកំពុងពង្រីកប្រតិបត្តិការដឹកជញ្ជូនរបស់ខ្លួននៅប្រទេសចិន
ដើម្បីកាត់បន្ថយការចំណាយរបស់ខ្លួនទៅលើការដឹកជញ្ជូន ក្រុមហ៊ុនAmazonកំពុងតែពង្រីកការប្រតិបត្តិការដឹកជញ្ជូនរបស់ខ្លួននៅឯប្រទេសចិន។ នេះបើយោងតាមការចុះផ្សាយរបស់សារព័ត៌មានReuters។
គម្រោងដែលត្រូវធ្វើនៅប្រទេសចិននេះ បង្កភាពងាយស្រួលក្នុងក្នុងការនាំទំនិញតាមផែកប៉ាល់ទៅកំពង់ផែ នៃប្រទេសសំខាន់ៗមួយចំនួនដូចជា ប្រទេសជប៉ុន សហភាពអឺរ៉ុប និង សហរដ្ឋអាមេរិក។
អ្នកវិភាគមួយចំនួនបាននិយាយថា មួយជំហានបន្ទាប់នេះអាចធ្វើឲ្យក្រុមហ៊ុន Amazon រឹតតែមានឱកាសល្អក្នុងការប្រកួតប្រជែងជាមួយនឹងក្រុមហ៊ុនធំ២ដូចជាUnited Parcel Service Inc (UPS.N) និង DHL Worldwide Express BV[DHL.UL]។
Amazon ក៏មានកម្មវិធីមួយសម្រាប់ឈ្មួញអាជីវកដែលចង់ស្តុកទំនិញនៅឃ្លាំងរបស់Amazon ដោយអតិថិជនរបស់អាជីវករទាំងនោះតម្រូវឲ្យបង់ប្រាក់៩៩ដុល្លារប៉ុណ្ណោះក្នុងមួយឆ្នាំសម្រាប់ការដឹកជញ្ជូនគ្រប់ប្រភេទទំនិញ។
លោក Zvi Schreiberនាយក ក្រុមហ៊ុន DHL Global Forwarding ដែលមានជំនាញក្នុងការដឹកជញ្ជូនទំនិញតាមសមុទ្រនិងតាមផ្លូវអាកាសនោះ បាននិយាយថា សកម្មភាពក្រុមហ៊ុនAmazon កំពុងតែបង្កគ្រោះថ្នាក់មួយដល់ខ្លួន ព្រោះថាត្រូវមានគូរប្រជែងមួយទៀត ទោះបីជាក្រុមហ៊ុនរបស់ពួកគេបានបង្កើតតាំងពីឆ្នាំ១៨១៥មកម្ល៉េះ៕
ដោយ៖ តូច ម៉ាយ៉ារស្មី
