ក្រុមហ៊ុនយក្សBoeing ត្រូវកាត់បន្ថយការងារយ៉ាងច្រើន ដោយសារតែសម្ពាធនៃការប្រកួតប្រជែង
ក្រុមហ៊ុនយក្សBoeing កំពុងកាត់បន្ថយការចំណាយ ក្នុងនោះរាប់ទាំងរំសាយការងារច្រើនផងដែរ ដោយសារតែសម្ពាធនៃការប្រកួតប្រជែងនៅលើទីផ្សារបច្ចុប្បន្នខ្លាំងពេក។ នេះបើយោងតាមការប្រកាសរបស់លោក Ray Conner នាយកប្រតិបត្តិរបស់ក្រុមហ៊ុនBoeingក្នុងពេលបើកកិច្ចប្រជុំជាន់ខ្ពស់កាលពីថ្ងៃពុធ។
គេមិនទាន់មានរបាយការណ៍ជាក់លាក់ អំពីចំនួនមនុស្សដែលត្រូវគេរំលាយនោះទេ ប៉ុន្តែក្រុមអ្នកជំនាញអះអាងថា ប្រាកដជាត្រូវរំលាយច្រើន ដោយសារតែការនាំចេញរបស់ក្រុមហ៊ុនBoeingមានការធ្លាក់ចុះជាលំដាប់ ជាហេតុធ្វើឲ្យចំណូលក្រុមហ៊ុនជួបបញ្ហា៕
ដោយ៖ អ៊ុន ភក្តី
