មនុស្សរំខានទាំង៤ប្រភេទនេះ ធ្វើឲ្យអ្នកមិនអាចបញ្ចប់ការងារដោយងាយ នៅកន្លែងធ្វើការឡើយ
ការប្រើប្រាស់សមាធិខ្ពស់ក្នុងការបំពេញការងារពិតជាមិនមែនជារឿងមួយ ដែលងាយស្រួលនោះទេ។ មានការរំខានជាច្រើនដែលធ្វើឲ្យអ្នកឈឺក្បាល ហើយធ្វើឲ្យប៉ះពាល់ដល់ការងាររបស់អ្នក។ មនុស្សទាំង៥ប្រភេទខាងក្រោមនេះគឺជាមនុស្សដែលធ្វើឲ្យអ្នកងាយខាតបង់ពេលវេលាដ៏មានតម្លៃរបស់អ្នក។
១) អ្នកដែលចូលចិត្តនិយាយទូរស័ព្ទយូរ៖ យ៉ាងហោចណាស់ក៏អ្នកស្គាល់មនុស្សប្រភេទនេះមិនតិចដែរ ពួកគេអាចជាគ្រួសាររបស់អ្នក មិត្តភ័ក្ដិរបស់អ្នក អតិថិជន ឬអ្នកធ្វើការផ្នែកលក់ជាដើម។ វាមិនខាតបង់អ្វីទេបើប្រាប់ពួកគេត្រង់ថាអ្នកកំពុងមានធុរៈសំខាន់ត្រូវធ្វើ ហើយប្រាប់ពួកគេថាអ្នកនឹងទូរស័ព្ទទៅវិញបន្ទាប់ពីការងារចប់ ព្រោះបើនិយាយទូរស័ព្ទយូរពេក វានាំឲ្យខាត់បង់ពេលវេលា ក្នុងការធ្វើការងារផ្សេងៗ។
២) អ្នករួមការងារដែលចូលចិត្តបបួលអ្នកជជែក ឬនិយាយដើមគេ៖ មនុស្សប្រភេទនេះចូលចិត្តនិយាយតែរឿងអត់ប្រយោជន៍ រឿងដែលនាំទុក្ខដល់ខ្លួន និងអ្នកដទៃ។ ទោះបីពេលខ្លះពួកគេមិនទំនេរក៏ដោយក៏ពួកគេចូលចិត្តលើកយកប្រធានបទពីនេះពីនោះយកមកនិយាយដែរ។ចូរព្យាយាមកុំពាក់ព័ន្ធនឹងពួកគេ ព្រោះមិនយូរមិនឆាប់គេនឹងនិយាយដើមអ្នកម្ដង។
៣) អ្នកដែលចូលចិត្តផ្ញើ E-mail៖ អ្នកគួរតែបែងចែកពេលវេលាឲ្យច្បាស់ទៅលើការពិនិត្យមើលE-mailរបស់អ្នក។ ចូរកុំព្យាយាមចំណាយពេលច្រើនទៅលើវាពេក។ អ្នកគួរតែបើកវាមួយថ្ងៃ១ដង ឬ២ដងបានហើយ។
៤) អ្នកដែលចូលចិត្តបើកការប្រជុំ៖ ក្រុមហ៊ុនមួយចំនួនមានការប្រជុំយ៉ាងញឹកញាប់ក្នុងមួយអាទិត្យ ដែលធ្វើឲ្យបុគ្គលិកត្រូវធ្វើការរៀបចំការងារជាច្រើន ដែលនាំឲ្យខាតបង់ពេលវេលាបំពេញការងាររបស់បុគ្គលិក។ ការប្រជុំគឺ ជារឿងល្អ ប៉ុន្តែការប្រជុំញឹកញាប់ដែលពុំសូវមានសាច់ការនោះ វានាំតែខាត់បង់ពេលវេលាប៉ុណ្ណោះ៕
ប្រែសម្រួល៖ តូច ម៉ាយ៉ារស្មី ប្រភព៖ www.cheatsheet.com
