ទាំងនេះជាសព្វាវុធថ្មីៗដែលអាមេរិកនឹងទិញបន្ថែមឱ្យកងកាំភ្លើងធំឆ្នាំ២០១៧
រដ្ឋមន្ត្រីការពារជាតិអាមេរិក លោក Ash Carter បានបង្ហាញពីសព្វាវុធថ្មីៗមួយចំនួនដែលសហរដ្ឋអាមេរិកនឹងទិញបន្ថែមឱ្យកងកម្លាំងកាំភ្លើងធំរបស់ខ្លួននៅឆ្នាំ២០១៧ ស្របពេលដែលថវិការចំណាយសម្រាប់វិស័យការពារជាតិឆ្នាំ២០១៧ គឺមានចំនួន ៥៨៣ពាន់លានដុល្លារ។
មន្ត្រីសហរដ្ឋអាមេរិកដដែលបានឱ្យដឹងបន្ថែមថា មន្ទីរបញ្ចកោណនឹងដាក់សំណើប្រមាណ ខ្ទង់ ៧១ពាន់លានដុល្លារសម្រាប់វិស័យស្រាវជ្រាវ និងអភិវឌ្ឍ (R&D) នៅឆ្នាំក្រោយនេះ។ តាមប្រភពមួយចំនួនបានបង្ហើបថា ទីមួយ សហរដ្ឋអាមេរិកទំនងនឹងចាក់ធនធានទៅក្នុងការអភិវឌ្ឍ គ្រឿងយន្តដែលអាចដំណើរការដោយស្វ័យប្រវត្តិបាន។
គ្រឿងយន្តទាំងនោះនឹងអាចដំណើរការក្នុងល្បឿនមួយដ៏លឿន និងស៊ីសង្វាក់គ្នាទាំងជើងអាកាស គោក និងទឹក។ អាវុធធុនធ្ងន់ដែលបំពាក់នៅលើគ្រឿងយន្តទាំងនោះ គឺមានប្រសិទ្ធភាពខ្ពស់ក្នុងការប្រមូលទិន្នន័យ និងសម្រួលដល់ចលនានៃការវាយការពារ។
