ប្រទេសទាំង១០ ដែលភ្ញៀវទេសចរទៅកម្សាន្តច្រើនជាងគេបំផុតក្នុងលោក
ចំនួនភ្ញៀវទេសចរអន្តរជាតិបានកើនឡើងរហូតដល់ទៅ៤,៤ភាគរយ ដែលមានចំនួនសរុបប្រមាណ១,១៨៤ពាន់លាននាក់កាលពីឆ្នាំ២០១៥។ នេះបើតាមរបាយការណ៍របស់អង្គការទេសចរណ៍ពិភពលោកនៃអង្គការសហប្រជាជាតិ (United Nations World Travel Organisation)។ ក្នុងនោះ ប្រទេសដែលមានប្រជាប្រិយភាពទាំង១០នៅលើពិភពលោកសម្រាប់ភ្ញៀវទេសចររួមមាន៖
១) ប្រទេសបារាំង៖ ត្រូវបានដឹងថាគឺជាតំបន់ដែលទាក់ទាញភ្ញៀវទេសចរច្រើនជាងគេ។ ក្នុងឆ្នាំ២០១៥ ទទួលបានចំនួនអ្នកទេសចររហូតដល់ទៅ៨៦,៣លាននាក់ (កើនឡើង៣ភាគរយ)។
២) សហរដ្ឋអាមេរិក៖ គឺជាតំបន់ទាក់ទាញជាងគេលំដាប់ទី២នាឆ្នាំ២០១៥ជាមួយនឹងចំនួនអ្នកទេសចររហូតដល់ទៅ៧៧,៩លាននាក់ខណៈឆ្នាំ២០១៤មានត្រឹមតែ៧៥លាននាក់ប៉ុណ្ណោះ។
៣) ប្រទេសអេស្ប៉ាញ៖ ជាប់ចំណាត់ថ្នាក់លេខ៣ទទួលបានភ្ញៀវទេសចរ៦៨,១លាននាក់។
៤)ប្រទេសចិន៖ ប្រទេសចិនអះអាងថាទទួលបានភ្ញៀវទេសចរ៥៦,៩លាននាក់ទទួលបានចំណាត់ថ្នាក់លេខ៤។
៥) ប្រទេសអ៊ីតាលី៖ ទទួលបានចំណាត់ថ្នាក់លេខ៥ បន្ទាប់ពីប្រទេសចិនហើយទទួលបានភ្ញៀវទេសចររហូតដល់ទៅ៥០,៨លាននាក់។
៦) ប្រទេសទួរគី៖ ប្រទេសនេះស្រូបបានអ្នកទេសចររហូតដល់ទៅ៣៩,៣លាននាក់ដែលជាហេតុជាប់ចំណាត់ថ្នាក់លេខ៦។
៧) ប្រទេសអាល្លឺម៉ង់៖ ទាក់ទាញអ្នកទេសចររហូតដល់ទៅ៣៥លាននាក់ក្នុងឆ្នាំ២០១៥។
៨) ចក្រភពអង់គ្លេស៖ ជាប់ចំណាត់ថ្នាក់លេខ៨ហើយទទួលបានអ្នកដំណើរដល់ទៅ៣៣,៩លាននាក់។
៩) ប្រទេសម៉ិកស៊ីកូ៖ បន្ទាប់ពីចក្រភពអង់គ្លេសគឺជាប្រទេសម៉ិកស៊ីកូដែលស្ថិតនៅចំណាត់ថ្នាក់ទី៩ហើយមានភ្ញៀវទេសចររហូតដល់ទៅ៣២,១លាននាក់។
១០) ប្រទេសរុស្សី៖ ជាប្រទេសទី១០ចុងក្រោយគេដែលទទួលបានភ្ញៀវទេសចរចំនួន៣១,៦លាននាក់ក្នុងឆ្នាំ២០១៥។
ដោយ៖ ព្រំ សុវណ្ណកណ្ណិកា
